Covalima (RCCT) 06-02-24—Vise Ministru Administrasaun Estatal (MAE), Jacinto Rigoberto Gomes de Deus ne’ebé akompaña husi Sekretariu Estadu Dezenvolvimentu lokal Mateus dos Santos Talo no Sekretariu Estadu Asunto Toponomia Organizasaun Urbana Germano Santa Brites Dias, fo pose ba sekretariu munisipais na’in-3, Diretór munisipais na’in 18 no Administrador Postu Administrativu na’in-7 iha Munisipiu Covalima.
Vise Ministru Administrasaun Estatal (MAE), Jacinto Rigoberto Gomes de Deus iha nia diskursu hatete liu husi pose ida ne’e hanesan etapa dahuluk ba ezekusaun politika desentralizasaun iha Munisipiu Covalima.
“Ohin governu liu husi Ministeriu Administrasaun Estatal (MAE) mai fo pose ba Sekretariu munisipais, diretores servisu munisipais no administrador postu administrativu 7 hodi hatudu ona katak sira hahu ona etapa dahuluk ba ezekusaun politika desentralizasaun administrativa iha Munisipiu Covalima, serimonia tomada de pose ida ne’e nudar faze dahuluk ba estrutura autoridade Munisipiu Covalima nian, tan ne’e iha tempu badak mos sei hala’o seromonia pose ba prezidente autoridade munisipais sira iha teritoriu laran tomak, governu deside eleva statutu munisipiu hotu sai nudar autoridade munisipal, tan ne’e Covalima sai nudar istoria ba Covalima tan hahu ona ho nia desentralizasaun poder lokal” deklara Vise Ministru Administrasaun Estatal (MAE), Jacinto Rigorberto Serimonia tomada de pose ba Sekretariu munisipais na’in, diretor munisipais na’in 18 no administrador Postu Administrativu na’in-7 iha Munisipiu Covalima, ne’ebe hala’o iha Salaun Diamond Audian, Kamanasa, Terssa (06/02).
Vise Ministru Administrasaun Estatal (MAE), Jacinto Rigorberto Gomes de Deus, haktuir oportunidade ba munisipiu atu prepara kondisaun ba dezenvolvimentu poder lokal, tanba governu da sia tau atensaun maka’as ba desentralizasaun administrativa.
“fo biban ba munisipiu oan sira atu hahu servisu hamutuk hodi prepara kondisaun minimu ba dezenvolvimentu poder lokal tan iha programa govaernu dasia tau prioridade as tebes ba desentralizasaun administrativa, desentralizasaun nudar ita nia lei inan ne’ebe konsagra ona iha ita nia tekstu katak ne’e mak prosesu ida ne’ebe hala’o transferensia kna’ar ou poder ho responsabilidade sira husi administrasaun sentral ba governu lokal atu nune’e bele hakbesik liu ba povu bele premite partisipasaun boot ba sidadaun hotu iha prosesu foti desizaun hodi bele jere rasik afeita direita ba sira nia komunidade rasik, atu nune’e involve sira iha prosesu dezenvolvimentu ita nia estadu, governu dasia proklama hodi hatuur desentralizasaun nudar prioridade politika muda stratejiku ida di’ak liu hodi tulun dezenvolvimentu setor privadu sira iha area rurais, promove instituisaun ba estadu ida forte” nia dehan.
Enkuantu Vise Ministru Administrasaun Estatal (MAE), Jacinto Rigorberto Gomes de Deus dehan hala’o politika desentralizasaun administrativa iha pais demokratiku, para bele responde ba nesesidade munisipiu ida-idak nian hodi garantia komunidade hotu bele asesu hanesan ba servisu publiku hotu-hotu.
Jornalista : Julio Salinas
Editor : Chamot Nahac
