COVALIMA—-Vise-Ministru Administrasaun Estatál (MAE), Lino de Jesus Torrezão ne’ebe akompaña husi Administradór Munisípiu Covalima, Francisco de Andrade, fó tomada de pose ba diretór munisipál na’in-16, husi sira na’in-16 kompostu husi mane na’in-14 feto na’in-2 iha munisípiu Covalima ne’ebe assume kargu nudar doretora.
“ Ha’u hakarak fó hato’o ba diretór foun ne’ebé ohin simu pose hodi kompleta estrutura Munisípiu Covalima ne’ebé hatu’ur kompeténsia iha dekretu lei númeru 3/2016 presija ema atu hala’o kompeténsia atu hala’o loloos imi nia kna’ar ne’ebé konsagra ona iha dekretu” informa Vise-Ministru Administrasaun Estatál (MAE), Lino de Jesus Torrezão iha nia dirkursu, bainhira fó pose ba diretór munisipá sira ne’ebe hala’o iha salaun Administrasaun Munisípiu Covalima, Sesta (02/06).
Vise-Ministru Administrasaun Estatál hateten, simu kargu nufar diretór la’os oportunidade maibé responsabilidade ba servisu tuir funsaun ne’ebé mak dekretu lei númeru 3/2016 no regulamentu ne’ebe hala’o ho loloos.
“Asumi kargu diretór la iha servisu foun ne’ebé ita bo’ot sira atu halo maibé atu hatutan de’it nune’e ami atu konsolida fali kompeténsia hatu‘ur ona iha dekretu lei númeru 3/2016“ membru governante ne’e esplika.
Nia dehan tuir loloos prosesu atu forma governasuan foun labele hala’o prosesu foun, maibé hala’o serimónia fó pose molok ne’e prosesu hala’o ona.
Maske forma governu foun la signifika atu troka labele tanba tuir prosesu rekrutamentu pór méritu bainhira governu foun atu troka tenke haree la obedese ba ponto sira hanesan, avaliasaun dezempeñu , obodese, hakruuk ba hirarkia, tanba ko’alia burokrásia la’os demokrásia.
Administradór Munisípiu Covalima Francisco de Andrade hateten, Asumi kargu diretór la’os buka oportunidade asumi kargu hanesan mós responzabilidade tanba ita bo’ot sira mak sai inisiadór nune’e labele repere erru ne’ebé molok ne’e akontese.
Nia afirma erru ne’ebé antes ne’e akontese ona sai hanesan referénsia nune’e ba oin atu hakat di’ak liu tanba Covalima hein hela
Administradór esplika, iha nia mandatu realiza ona serimónia fó pose ba dala haat ona hanesan fó pose ba administradór postu administrativu sira, xefi departamentu na’in-15 no loron 02 juñu fó tan posse ba diretór munisipál na’in-16.
Administradór hato’o agradese ba Vise Ministru Administrasaun Estatál no Prezidente Funsaun Públika bainhira autoridade Covalima hato’o proposta halo prosesu ho lalais
Nia hateten maske fó ona pose ba diretór munisipál na’in-16, maibé falta diretór munisipál na’in-rua tuir teste maibé la pasa hanesan diretór Saneamentu no Diretór rejistu Notariadu Munisipiu Covalima maibe sei buka meius hato’o proposta subtituisaun tanba ba kargu diretor rua ne’e ninia mandatu iha fulan ida ne’e nia laran.
Reprezentante Diretór emposadu Diretór Agência Fikalizasau, Francisco Mendonça da Costa “Tatamero” hato’o agaradese ba Ministru Administrasaun Estatál ho Vise-MAE hodi fó oportunidade hodi tuir prosesu teste pur méritu.
“ Ha’u hato’o agradese ba Ministru Administrasaun Estatál (MAE) ho vise hodi fó oportunidade mai ami bele tuir teste konkursu rekrutamentu pór méritu ne’ebé ohin bele simu ona pose” nia informa.
Nia garantia diretór emposadu sira sei desempeña serbisu hanesan Funsionáriu Públiku kompromitidu hala’o kna’ar tuir kompeténsia ne’ebé hatu‘ur ona iha dekretu lei númeru 3/2016 ho alterasaun dekreu lei númeru 54/2020 no kumpri lei funsionáriu públiku.
“Funsionáriu hala’o kna’ar onestu, kumprimentu, lealidade, transparente no responsabilidade bazea ba juramentu kesi ona ami, ami sei la sees husi lei no regulamentu hotu ne’ebe kesi ona ami” nia dehan.
Entertantu Diretór Serbisu Munisipál na’in-16 ne’ebe simu pose mak hanesan , Diretór Servisu Munisipál Administrasaun no rekursu umanu Jacinto dos Santos , Diretora Patrimóniu no losjístika Germana Guterres Amarál, Servisu Aprovizionamentu Alarico do Nascimento, Diretór Planeamentu Integradu Dezenvolvimentu Albino Carvalho Lelo, Diretór Apoiu Organizasaun Noun Gobernamentál no Organizasaun Komunitária Agustinho Mendonça, Diretor Serbisu Edukasaun Munisipiu Covalima, Francelino Freitas Carvalho, Seguransa Alimentár Domingos Gusmão, Diretór Serbisu Munisipal Obras Públika no Transporte Alberto Cardoso, Diretor Serbisu Munisipál Agrikultura Reinaldo Moniz Coli, Diretor Gestaun Mecado no Turizmu Vitorino do Carmo, Diretor Protesaun Sivíl Jestaun no Dezastre Naturál, Quintino da Costa, Diretor Diretór Serbisu Asaun Sosial Anacleto do Nascimento. Diretór Agência Munisipál no Planeamento Agustinho Gusmão, Diretór Agência Munisipál no fisKalizasaun Francisco Mendonça da Costa “Tatamero”, Diretór Serbisu Munisipál no Finansas Damião Amarál, no Diretor Serbisu Munisipál no Saúde Maria de Fátima Moniz.(JS)
