COVALIMA (RCCT)-15-03-2021 Relasiona ho Serka Sanitária nebe aplika ba Municipio Covalima, maske ba dadaun ne Governo hapara ona, maibe durante Serka Sanitária populasaun barak iha Covalima maka enfrenta menus aihan, tamba ne’e Veteranus Municipio Ainaro espresa sentimentu solidaridade li husi fo apoio sasan nessesidades básikas ba Komunidade sira iha Covalima.
Ba Jornalista RCCT Presidente Conselho Veterenus Municipio Ainaro Julio da Conseição (Loro Mesak) hateten, Sasan nessesidades básikas nebe apoio maka hanesan Fos Sakas, Sedaap kaixa, inklui bee agua kaixa no modo balun ba Seguransa sira iha Covalima.
“Ami Veteranus husi Ainaro no komunidade, Joventude, no ONG Lokal ho Lojas sira hakarak tau sasan uitoan hanesan Fos Saka 100, Sedap kaixa 50 no Agua kaixa 50 hodi mai apoio komunidade Covalima tomak inklui mos ho modo oan ruma ba ita nia Polisia PNTL no FDTL sira ne’ebe destaka iha Munisipio ida ne’e ” Dehan Preidente Veteranus Munisipio Covalima iha Aeroportu Suai (15-03-2021)
Administrador Sesante Municipio Covalima Afonso Nuguera Nahak hato’o agradese ba Conselho Veteranus no Komunidade sira iha Municipio Ainaro, tamba bele apoio Comunodade Covalima iha Situasaun Difisil ida ne’e.
“ha’u agradese wa’in ba Preidente Conselho Veteranus Municipio Ainaro ho nia estrutura tomak, nomos Komunidade sira iha Ainaro tomak, nebe maka ohin loron sira mai to’o iha ne’e, Apoio nebe maka sira halo ba ita Covalima hanesan valor bo’ot ida iha relasaun familia entre Munisipio Covalima ho Munisipio Ainaro ” Dehan Administrador Sesante Municipio Covalima.
Entertanto sasan hirak ne’e apoio husi Veteranus no Komunidade sira husi Ainaro, atu distribui ba komunidade sira iha Posto ne’ebe besik Fronteira.
Jornalísta : Tynho Gusmão
Editor : Chamot Nahac
