.png)
Covalima (RCCT) 14-03-24-Universidade da Paz (UNPAZ) Ramo Covalima halo abertura ba atividade Orientasaun ho tema formasaun karakter no Intelektual Nudar Save ba Dezenvolvimentu, ba Estudante foun tinan 2024 hamutuk no mos ba estudante semetre III ne’ebé mak seidauk halo orientasaun iha tinan 2023.
Hafoin hala’o Abertura ba atividade Orientasaun ne’e, Reitor UNPAZ, Adolmando Soares Amaral,hateten, atividade orientasaun akademiku hanesan pasu primeiru lori estudante sira kuñese kondisaun no programa sira ne’ebe mak UPNPAZ iha iklui hatene estrutura UNPAZ nian husi nasional mai to’o Ramo Covalima.
“Ohin ita mai abertura Orientasaun ba estudante foun iha UNPAZ Ramo Covalima iha Estudante 80 resin ne’ebé mak ohin partisipa abertura ba aktividades orientasaun ne’e, orientasaun ne’e babain ba estudante foun sira molok atu hahu sira nia prosesu aprendijazem ita tenke halo orientasaun, orientasaun ne’ebé mak Universidade da Paz aplika ne’e Orientasaun akademiku para lori sira ba kuñese estrutura Universidade, fakuldade, programa de estudu no mos lori sira ba hare kondisoens ne’ebé mak Universidade iha hanesan Sala de aprendizazen, depois lori sira ba bibiloteka,laboratorium atu nune’e sira bele kuñese di’ak liu tan kodisaun Minimu iha Universidade” Reitor UNPAZ, Adolmando Soares Amaral Esplika.
.png)
Adolmando mos dezafia Covalima oan sira atu labele senti ki’ik bainhira mai aprende iha Universidade da Paz Ramu Covalima, tanba sira ne’ebé aprende iha kampus Sentral ho nasaun sira seluk mos aprende siensia ne’ebé hanesan ho ema sira ne’ebé aprende iha kampus Ramo Covalima.
“Labele senti ki’ik baihira ita mai aprende siensia no teknologia iha Kampus Ramo,sira ne’ebé mak iha kampus sentral sira ne’ebé mak iha nasaun sira seluk sira mos aprende siensia no teknologia hanesan, imi sira ne’ebé aprende iha kampus ramo sira ne’e, ita labele sente ki’ik bainhira ita mai tuir aprendijazen iha kampus ramu, ha’u hanoin konaba siensia ho teknologia ita aprende siensia hanesan, difrensia iha fatin, difrensia iha kondisoes ne’ebé mak iha kada ves iha kampus sentral di’ak liu uitoan kompara ho kampuz ramu sira, maibe ita nafatin organiza tau atensaun para halo investementu iha loron ruma kampus ramu sira mos nia kondisoes bele hanesan mos kampus sentral” Tenik nia.
Estudante Unpaz Ramo Covalima Afonso Pereira Senti kontenti tanba iha tinan kotuk la halo orientasaun maibe bele tuir fali orientasaun hamotuk estudante foun iha 2024.
“Nudar estudante há’u senti Orguilu baihira magnifiku reitor direitamente mai halo abertura iha ami nia Universidade kampus Ramu Covalima ida ne’e, nudar Estudante sente Orgullu tebes maske ami hakat ona ba semestre III maibe tanba momentu tinan kotuk Ami la konsege hala’o ami nia atividade Ospek ne’ebé tinan ida ne’e mak ami iha oportunidade bele hala’o ami nia atividade ospek ne’e hamutuk ho kolega semetre I sira” Afonso Pereira espresa.
UNPAZ Ramo Covalima Hala’o Atividade Orientasaun Akademiku ba estudante foun no estudante semeter III hamotuk ema na’in 80 resin, entrentantu Aktividade Orientasaun Akademiku iha UNPAZ Ramo Covalima ne’e ofisilamente loke direta husi Reitor UNPAZ ne’ebé akompaña husi Diretor Logistika, no funsionario Gabineti Retoria, Diretor Kampuz Ramo Covalima, korpu dosenti no Funsionariu inklui Estudante sira husi fakuldade Direitu, Ekonomia, Engenaria,Saude Publiku, ne’ebé mak hamahon buka siensia iha Unpaz ramu Covalima.
Jornalista : Moichung
Editor : Chamot Nahac
