Suai 23/08/2020 – Domingo ne’e, UNIZMA halo serimonia lansamento kolleta batar hektares Tolu resin iha Aldeia Sadahur Suco Maudemo Posto Administrativo Tilomar.
Iha nia intervista Presidente OPPT, Ivo de Jesus, hateten objetivo husi lansamento atu hasa’e taxa produsaun no kontribuisaun ekonomia rai laran hodi nune bele hamenus dependensia ekonomia husi rai liur.
Tan ne’e Ivo Afirma persija atu hasa’e intensifikasaun no produsuan rai laran hodi kontribui ba kresimentu ekonomia iha iha rai laran nune’e labele depende bebeik ba importasaun ekonomia husi nasaun seluk.
“ita persija hasa’e seguransa alimentar no presiza hasa’e intensifikasaun no desifikasaun taxa produsaun no fo kontribuisaun ba ita nia crescimento ekonomia iha rai laran hodi nune’e bele labele dependensia ekonomia husi rai liur”
Ivo de Jesus mos dehan Timor Leste ne’e rai mesak bokur atu hodi halo to’os tan ne’e, nia apela ba Governo no Povu Timor tomak nebe hela iha rejiaun hotu atu bele Kria grupo halo to’os nune’e ekonomia timor leste labele depende bebeik ba importasaun.
“Ita tenki diversifika ba ita nia produsaun ekonomia, nune’e ita labele tane liman ba rai liur tanba ita iha rai nebe bokur tan ne’e ita persija halo to’os hodi ita nia ekonomia labele dependensia husi rai liur, hau apela ba governo no ba povo nebe hela iha rejiaun, hotu-hotu tau liman hamutuk hodi halo to’os” Nia hakotu
iha okajiaun ne’e Administrador Mucipio Covalima, Afonso Nugueira Nahakapresia ho grupo UNIZMA-CPD-RDTL nia servisu, tamba ne’e nia husu ba grupo UNIZMA atu kria unidade atu nune bele servisu hamutuk ho di’ak.
“Ha’u hakrak hato’o ba ita bo’ot sira katak, unidade sai importante ba ita Covalima oan sira, mai ita hamutuk halo to’os, hanesan administrador apresia ba ita bo’ot sira nia serbisu, tamba ita bo’ot sira bele mobiliza malu halo to’os hektar ba hektar i haki’ak animal”. Dehan Administrador Municipio.
jornalista : Tynho Gusmão & Jhony
editor : Chamot Nahac
