.png)
Covalima (RCCT)27-01-2024-iha Periode fulan Janeiru 2024, Autoridade Protesaun Sivil (APC-Sigla Portiguesa) to’o loron 23, rekolla dadus vitima dezastre naturais ho tipu anin uma hamotuk 16 no rekolla mos dadus vitima insendiu hamotuk 7.
Komandante Autoridade Protesaun Sivil Munisipiu Covalima, Flavio dos Santos Mendes hatete vitima sira ne’ebé hetan dezastre iha fulan janeiru 2024 nia laran ne’e kompostu husi Postu Suai 7, Zumalai 12, Fohorem 2, Tilomar 1 no Postu Administrativu Fatumea 1.
“Akontesimentu anin bo’ot konsege rezulta komunidade nia uma iha Munisipiu Covalima rejistadu anin sobu uma hamutuk-16 no ahi iha uma kain-7 total uma 23, postu sira ne’ebé konsege anin sobu no no mos ahi han ne’e iha postu Administrativu Suai uma kain-7, Zumalai uma kain-12, Fohorem uma-2, Tilomar uma-1 no Postu Administrativu Fatumea uma kain-1” informa Komandante Autoridade Protesaun Civil Munisipiu Covalima, Flavio dos Santos Mendes ba jornalista sira iha nia knar fatin foin lalais ne’e.
Komandante Autoridade Protesaun Civil ne’e subliña, vitima dezastre ahi han uma no vitima ba anin sobu uma ne’e parte APC Covalima fo ona apoiu emerjensia, no halo ona levantamentu dadus.
“Apoiu emerjensia ita distribui hotu ona ba ita nia komunidade sira ne’ebé vitima husi dezastre ne’ebé akontese anin sobu uma no uma ahi han, prosesu tomak levantamentu dadus sira halo hotu ona haruka ba nasional depois tuir mai hodi hetan rekoperasaun, ita iha kriteria kuandu hetan dezastre at kaman, at naton no mos at total, iha loron 23 fulan ne’e akontesimentu kazu ne’ebé iha at kaman iha 6, at naton iha tolu no at total iha 14” nia esplika.
Entertantu dadus ne’e ne’ebe RCCT husi APC Munisipiu Covalima vitima ba dezastre ne’ebé akontese iha loron 22-23 fulan Janeiru 2024 husi tipu dezastre anin sobu no ahi han komunidade nia uma iha Covalima, enkuantu dadus serteja husi data 24 mai to’o 29 de Janeiru ohin RCCT sei rekolla husi APC no publika iha edisaun tuir mai.
Jornalista : Julio Salinas
