Covalima (RCCT) 23-02-24-Implementasaun Programa Nasional Dezenvolvimentu Suku (PNDS) ba etapa dahuluk tinan 2021 nian hanaran Uma Kbi’it Laek (UKL) ne’ebé oras ne’e nakfilak ba Uma Naroman ba Povu (UNP) iha Aldeia Lorokida, Suku Fohorem, Postu Administrativu Fohorem to’o ohin loron seidauk finanliza konstrusaun maibe Politika IIIV Governu nian hodi halo inaugurasuan iha tinan 2022 maske konstrusaun seidauk remata porsentu atus ida.
Diretór Programa Nasional Dezenvolvimentu Suku (PNDS) Munisipiu Covalima, Pedro de Araujo Gomes, esplika konaba ba desizaun nivel altu iha governasaun da walu atu lori programa hakbesik liu ba povu mak nune’e disidi halo inaugurasaun ba UNP 3 iha
Lorokida, maibe sei iha nafatin faze konstrusaun nia laran tanba tuir mata dalan PNDS nia kada programa siklu ida iha etapa 12 maibe agora muda ona ba etapa 8, nune’e iha etapa ikus mak inaguruasaun hodi intrega ba benefisiariu.
“Implementasaun UKL primeiru Postu Administrativu Fohorem, Suku Fohorem, Aldeia Lorokida ne’ebé ita bolu UKL faze primeiru implementa iha Postu Administrativu Fohorem, ida asesu primeuiru ne’e mak ita halo ona inagurasaun, maibe uma ne’e seidauk hotu, liga ho inaugurasaun ne’e politika governu nian, oinsa mak ita nia na’in ulun nivel altu atu mai kabeseik ba iha povu atu bele esklarese sira nia programa ruma, ne’e mak meius ida liu husi inaugurasaun ne’e, momentu ita halo inaugurasaun iha 2022 iha suku laktos, reprezenta postu administrativu fohorem, ne’e la’os ba deit UNP maibe ba PNDS reguler hanesan be mos iha laktos, maibe prosesu ikus ne’e ita seidauk remata,” informa Diretór Programa Nasional Dezenvolvimentu Suku (PNDS) Munisipiu Covalima, Pedro de Araujo Gomes, ba jornalista iha nia kna’ar fatin.
Diretór ne’e rekuñese programa konstrusaun uma naroman ba povu tolu iha aldeia lorokida seidauk hotu maibe dadaun ne’e hahu fali ona halo servisu konstrusaun ba uma rua no ida seluk la kontinua ona tanba benefisiariu la iha responsavelidade ba material konstrusaun sira ne’ebé fornesedor hatun ona.
“Tanba saida maka uma ne’e la haotu, hau hakarak aproveita oprtunidade kontinua kedas, uma ne’e realidade sei dauk hotu hamutuk uma tolu, agora tuir informasaun ne’ebé ohin hau sei updat hela ba kolega tekniku postu ohin mai hotu iha munisipiu ne’e uma rua agora daudaun bo’ok hahu servisu ona maibe uma ida seluk labele servisu ona tanba uma na’in rasik maka la kuidadu sasan ne’ebé fornesedor sira hatun hanesan triplex kompania hatun uma na’in la kuidadu tau hela de’it no tuir informasaun uma na’in ka benefisariu ne’e moras difisiente hela entaun la kuidadu sasan ikus mai trip;ex sira ne’e miraen han hotu tiha ona la konsege foru maibe besi ba iha foru rangka ne’e iha hotu maibe ba uma rua seluk ne’e agora sei kontinua servisu, insentivu ba iha trabalador ka ba iha badaen ne’e ita selusei dauk kompletu” nia dehan.
Kauza seluk ne’ebé kontribui ba servisu konstrusaun UNP la’o tarde iha Lorokida maka mak distansia dok no estrada at, alende ne’e mos iha kotribuisaun husi uma na’in rasik mak sai badaen ba konstrusaun ne’e.
“Problema bo’ot ida ita hotu hatene Lorokida ne’e iha ne’ebé kuandu tempu udan hanesan ne’e lao ain deit mos araska, tanba saida maka araska kuandu udan ita lao liu kona mota laran ne’e ita liu laiha, derpente lao maka mota tun bo’ot pasiensia ita liu ladi’ak ne’ebé kondisaun ida ne’e maka kontribui hotu iha atraza tan ne’e mak servisu sei dauk hotu maibe iha ninia presentajen fixiku ne’e mos sei dauk to’o pursentu 100 signifika uma ne’e, ida maka kestaun kondisaun estrada ida seluk depois hau hetan despaixu ba iha diretor interino PNDS hau ba iha ne’eba hau rasik ko’alia ho uma na’in ne’e no badaen ne’e uma na’in kedas katuas nia oan kedas, hau konforma katuas dehan ita bo’ot sira tau planu halo nusa para fornesedor bele hatun ka lori sasan ne’e mai ami prontu servisu, na realidade ita nia administrador munisipiu bainhira ba halo monitorin ba iha eleisaun xefe suku nian aadministrador nafatin ba hasoru tan sei dauk iha kontinua servisu ne’ebé hau hanoin servisu la lao ne’e ida mos kontribui husi uma na’in ka benefisariu tanba badaen laos ema seluk uma na’in kedas tan ne’e ita ajuda halo tiha planu ba iha kompania hodi hatun sasan sira na’in mak la servisu maibe agora hau ron dehan servisu ona tan ne’e hau iha planu semana oin sei ba iha Lorokida haree direita problema ida ne’e” nia deklara.
Entertantu Diretór Programa Nasional Dezenvolvimentu Suku (PNDS) Munisipiu Covalima, Pedro de Araujo Gomes, dehan uma UKL 3 iha Aldeia Lorokida konstrui iha tinan 2021 maibe to’o ohin loron seidauk finaliza ne’e kontribui mos husi kondisaun estrada la premite, alende ida ne’e kontribui mos husi uma na’in ka benefisariu la kuidadu sasan sira ne’ebé maka fornesedor sira hatun ona no rai to’o dodok hotu.
Jornalista : Julio Salinas
