Balibo ( RCCT ) 16-10-24 TL Komemora Loron Trazedia Balibo five ba dala 49 no loron Liberdade Imprensa ba dala Rua ho nia tema “Admosfera Liberdade Imprensa iha Nasaun Demokratika ” iha Postu Administrativu Balibo Munisipiu Bobonaro.
Vise Ministru ba asuntu Parlamentár, Adérito Hugo da Costa dehan, akontesementu iha Balibo ne’ebé dadaun famozu temi Balibo Five ne’e sagradu tebes ba Liberdade Imprensa iha Timor Leste.
“Ita rona termu Balibo Five, Jornalista Estranjeiru na’in Lima (5) ne’ebé sakrifika sira nia an, mate bainhira sira halo kobertura konaba invazaun ba ita nia rai doben Timor Leste, sira hatudu duni oinsa lia los no Liberdade informasaun nia folin as tebe tebes trajedia ida ne’e sagrada tebe tebes ba Liberdade Imprensa no kompremiti bo’ot atu ko’alia ba ema lian laek sira” Vise Ministru ba asuntu Parlamentár, Adérito Hugo da Costa, informa.
Governante ne’e dehan, Liberdade Imprensa nudar direitu fundamental ba Sidadaun hotu, Jornalista no Instituisaun Media sira atu publika obra Jornalistiku ne’ebé analiza kritiku ideia esensial ba prosesu krituku sosial no kultura.
“Komemorasaun Liberdade Imprensa ba tinan ida ne’e nudar momentu importante tebes, la’os deit ba komunidade media sira maibe mos ba timor oan sira tomak ne’ebé tane as valor demoktratiku, Liberdade Imprensa signifika liberdade espresaun, direietu fundamental ne’ebé haktudak ema ida idak atu hato’o hanoin no ideia no aspirasaun Liberdade Imprensa nudar direitu fundamental ne’ebé fo liberdade ba individu, ba jornalista no instituisaun media atu publika obra jornalistiku, analiza kritiku ideia no hanoin sira la ho ta’uk ba presaun no sensura iha konstektu demokrasia Liberdade ne’e hanesan elementu esensial ne’ebé permiti partisipasaun ativu sosiedade nian iha prosesu kritiku social no kulturral” tenik governante ne’e.
Entretantu Komemorasaun Balibo five ba dala 49 no loron Liberdade Imprensa ba dala Rua ho nia tema “Admosfera Liberdade Imprensa iha Nasaun Demokratika” ne’e hala’o iha Postu Administrativu Balibo, Munisipiu Bobonaro, partisipa husi Vice Ministru Asuntu Parlamentar, Presidente Konsellu Imprensa, Administrador Posto Administrativu Balibo, Komandante PNTL eskuadra Balibo, Jornalista sira husi instituiosaun Governu no Privadu, no mos Jestor no jornalista Radio Komunidade, Jornalista sira husi Indonesia mak hanesan SCTV,Metro Tv,Kompas.com, inkliu Komunidade sira husi Postu administrative Balibo.
Jornalista : Alfredo Barreto
Editor : Chamot Nahac
