COVALIMA (RCCT), 03-09-2026 — Tribunal Judisial Primeiru Instánsia (TJPI) Suai aplika medida kuasaun prizaun preventiva ba arguidu na’in haat (4), ho inisiál NF, DC, JC no AMA, iha kazu omisídiu simples ne’ebé deskonfia akontese iha Área Lagoa Wetaba, Suku Beiseuk, Postu Administrativu Tilomar, Munisípiu Covalima.
Tuir informasaun ne’ebé jornalista sira hetan, Tribunal konkorda ka afavór ba alegasaun Ministériu Públiku hodi aplika medida kuasaun prizaun preventiva ba arguidu na’in haat (4) na’in tolu husi Membru SNI no Na’in ida husi Membru UPF, hodi hein prosesu investigasaun no prosesu judisiál tuir lei.
Ba kazu ne’e, jornalista sira seidauk hetan pareser klaru husi parte Defeza kona-ba medida kuasaun prizaun preventiva ne’ebé aplika ba arguidu na’in haat (4) iha Julgamentu Primeiru Interogariu TJPI Suai.
Notísia ne’e sei atualiza tan bainhira hetan informasaun ofisiál ka klarifikasaun husi fonte kompetente sira.
Jornalista: Paul Mandeu
