COVALIMA—Xefe Brigada Centru Manutensaun Trator Sanfuk, Munisípiu Covalima, Tomas Amaral, hatete durante tinan barak servisu Centru Manutensaun Trator Sanfuk atende komunidade to’os na’in sira hakerek deit liman (manual) tanba laiha komputador no makina printer, tanba laiha atensaun husi Ministériu Agrikultura no Peska (MAP).
“Hau hakarak problema durante ne’e ami infrenta iha terenu kada loron hau hasoru duni ne’e realidade iha hau nia serbisu fatin laiha ekipamentu eletronika hanesan komputador no makina printer, maibe hau hakerek inan aman sira ne’ebe mai husu trator atu fila sira nia to’os hakerek deit sira nia naran ho manual durante tinan barak nia laran ona” informa Xefe Brigada Centru Manutensaun Trator Sanfuk, Munisípiu Covalima, Tomas Amaral, ba jornalista sira iha nia kna’ar Tersa (14/03).
Nia afirma Centru Manutensaun Trator Sanfuk ne’e ejiste kleur ona, maube to’o ohin loron sei dauk hetan atensaun masimu husi governu liu husi MAP atu hodi responde ba preokupasaun hirak ne’e atu hodi atende komunidade to’os na’in sira ne’ebe mai halo rejistu husu trator atu fila sira nia to’os, maibe durante atende to’os
na’in sira ho hakerek deit ema nia naran ho liman tanba laiha komputador no makina printer.
Xefe Brigada Centru Manutensaun Trator Sanfuk ne’e husu ba Ministériu Agrikultura no Peska atu bele tau atensaun ba asuntu refere atu nune’e ba futuru bele atende komunidade to’os na’in sira ho lais.
“Hau nia preokupasaun ne’e hakarak hato’o ba nai ulun sira ne’ebe tur iha area kompetente, atu bele apoiu netik laptop ho printer para hau bele hala’o hau nia kna’ar lor-loron hodi atende inan aman sira mai husu trator ho diak labele hakerek deit ho liman” nia haktuir.
Nia haktuir lor-loron hala’o serbisu ho liman deit tanba laiha ekipamentu eletronika hanesan komputador no makina printer.
Entertantu xefe Brigada Centru Manutensaun Trator Sanfuk, Munisípiu Covalima kada loron halo rejista ba komunidade sira ne’ebe mai husu trator atu fila sira nia to’os bele to’o na’in-40 ou liu maibe hakerek deit ho liman tanba laiha komputador no makina printer.(Azu)
