COVALIMA (RCCT)-30-03-2021 Sede Suco Holpilat iha Posto Administrativu Maukatar, hari iha tempo okupasaun Indonesia, iha tempo independensia kontinua halo deit rehabilitasaun, Tinan 2017 iha dia 07 de fulan februariu, mosu dezastratre Narural Anin no udan boot hodi estraga uma servisu fatin Xefe Suco Holpilat Postu Administrativu Maukatar. Tanba oras ne’e dadaun kondisaun Sede Suco refere kakuluk att ona no fundasi mos la iha ona kualidade.
Ba Jornalista RCCT, Xefe Suco Holpilat Emilio do Carmo Gusmão informa, relasiona ho kondisaun Sede Sucu Holpilat nebe kndisaun at ne’e, nia parte hato’o ona proposta ba Autoridade Municipio Sesante no parte Relevantes sira, mai ate a data la resposta ruma ba proposta hirak ne’e.
“Durante ne’e ami hato’o proposta ba Autoridade Municipal depois ami haruka mos ba ADN iha Nasional, iha Oitavo Governo ha’u hasoru direta ita nia Ministero Estatal, momento nia mai vijita inagurasaun be mos iha Suku Ogues maibe ate a data seidauk iha resposta ” Sefe Suku Holpilat dehan iha nia kna’ar fatin, Segunda Feira (29-03-21)
Xefe Suku Emilio esplika tan, Durante tinan 4 nia laran, halo servisu iha uma (Xefe Suco) nebe ho kondisaun ladi’ak (at) maibe la abandona sira servisu hodi atende komunidade sira iha Holpilat no mos nafatin uja fatin ne’e hodi atende engkontru importante ho komunidade sira nomos parseiru sira seluk.
“ Komesa husi Tinan 2017 to’o agora, tinan 4 nia laran ha’u ho ha’u nia Paz Suco servisu iha fatin nebe ladun sufisiente mai ami, maske kondissaun Sede Suco ne’ebe ladun di’ak maibe ami la abandona ami nia servisu, depois Sede Suco ne’e fatin importante tebes ba ami tanba ita enkontru kada Fulan depois ONG balu mai iha ne’e ita precisa fatin atu halo enkontru ” Xefe Suco Holpilat Emilio do Carmo Gusmão informa liu tan.
Xefe Suco ne’e mos dehan, atu fasilita servisu Administrasaun iha Suco Holpilat, Emilio Impresta Komunidade nia Laptop tanba ne’e nia husu ba Ministerio Estatal atu bele apoio hodi responde difikuldade nebe maka nia hasoru durante ne’e.
“ Ita nia Sede Suku ne’e Fasilidades mos la iha, hanesan Komputador ho Printer, durante ne’e ami sosa Printer ida maibe att hela deit, depois ami mos impresta deit Laptop ita nia joven sira nian, tanba ne’e maka atende Joven sira ne’e sempre atraju, ho ida ne’e ha’u husu ba Ministerio Estatal atu responde netik probelma ne’ebe maka ami hasoru ” Dehan Xefe Suco Holpilat.
Entertantu luan area Suco Holpilat ho 69,12 Km kuadrado, no iha Suco Holpilat kompostu husi Aldeia 6, (Hatu, Lela, Manulor, Nainare, Leogore no Fatuk-Oan ) ho total populasaun 2973 kompostu husi Mane 1532 no Feto 1441.
Jornalista : Tynho Gusmão
Editor : Chamot Nahac
