Covalima (RCCT) 10-04-25- Francisco Monteiro dehan Primeiru Ministru Kay Rala Xanana Gusmão hakarak iha tinan ida ne’e timor leste tenki abansa ona ho Greater Sunrise. Mina Matan Bayu Undan komesa menus.
Ministru Petroliu no Rekursu Minerais, Francisco Monteiro dehan durante tinan barak Timor-Leste depende deit ba kampu Bayu Undan, tanba ne’e nonu governu iha planu tinan ida ne’e abansa oa ba kampu Greater Sunrise.
” Tinan barak Ita depende Hela ba setor Petroliu kampu boot Ida naran Bayu Undan produs hela, maibe menus daudaun ona, tan ne’e nonu ne’ebé lideradu husi ita nia maun bo’ot Kay Rala Xanana Gusmão hanoin katak tempu ona ita tenke abansa ba dezenvolvimentu ita nia kampu bo’ot ida naran Greater Sunrise, kuandu povu hotu hakarak dada Mai Timor kontribuisaun ida maka ita atu bele halo ita nia projetu auto estrada hodi ikus mai bele liga Suai Supply Base ne’ebé maka sei halo iha Kamanasa ba to’o iha Natarbora” Ministru Petroliu no Rekursu Minerais, Francisco Monteiro kasu Lia hirak ne’e iha Nia intervensaun hafoin ekipa interministerial hala’o sosializasaun no konsultasaun publiku ho Komunidade afetadu sira iha Zumalai Kona ba konstrusaun auto estrada Zumalai- Natarbora.
Governante ne’e dehan projetu Tasi Mane la’os projetu izoladu, maibe projetu bo’ot ne’ebé atu dezenvolve setor ekonomia iha Petroliu no Minerais nian.
” Projetu Auto Estrada husi Zumalai ba Natarbora ne’e faz parte projetu bo’ot, global, ne’e hanaran projetu Tasi Mane, la’os projetu izoladu. Projetu faz parte ba ita nia planu integradu bo’ot ida atu dezenvolve ita nia setor ekonomia em jeral, maibe dezenvolve setor Petroliu no Minerais nian hodi ikus mai bele dudu ba dezenvolvimentu ekonomia, kriasaun kampu traballu maibe mos bele sai hanesan dudu para atividades ekonomiku iha Petroliu Nian hodi hatama rendimentu ba estadu” Nia haktuir
Planu nonu governu atu aselera lalais projetu Tasi Liu husi konstrusaun auto estrada husi Zumalai ba Natarbora, nune’e iha futuru bele hatama rendimentu ekonomia ba estadu.
Jornalista : Julio Salinas
Editor : Chamot Nahac
