Covalima (RCCT) 15-10-24 Teknologia Informasaun no Komunikasaun Timor.IP (TIC Timor IP) halo sosializasaun konaba transforma sistema manual ba dijital ba funsinariu no Xefe Suku sira iha Munisipiu Covalima.
Reprezentate Diretór Ezekutivu TIC Timor, IP, Rusmin de Fatima Vicente, hateten formasaun atu hodi para fonsionariu sira bele iha kuñesimentu atu aplika sistema dijital iha sira nia servisu fatin.
“Sosializasaun ida ne’e hala’o liu ba iha Nonu guvernu nian liliu konaba instituisaun TIC Timor fornese nia servisu ba Guvernu elektronika ba iha instituisaun hotu hotu formasaun ne’e fo durante loron ida ba funsionariu sira, ita hakarak fahe kuñesementu oinsa funsionariu sira atu utiliza konaba dizitalizasaun ida ne’e” Dehan nia.
Prezidente Autoridade Munisipiu Covalima Interinu, Caetano dos Santos. Ribeiro, informa ho formasaun ida ne’e bele aumentu matenek funsionariu sira nia hodi aplika ona sistema dijitalizasaun hodi halo sira nia servisu loro-loron iha instituisaun estadu nian liu liu iha Munisipiu Covalima
“Ita sira ne kaer konputador atu tama liu ba laran ne balun la hatene tanba ne mak sensiblizasaun sistema digitalizasaun ne importante” Nia dehan.
Entretantu sosializasaun konaba transforma sistema manual ba digital ne’e hala’o iha salaun Administrasaun Munisipiu Covalima, parsipasaun husi Funsionariu no Xefe Suku sira iha Munisipiu Covalima.
Jornalista:Moichung
Editor : Chamot Nahac
