Covalima (RCCT) 25-03-24-Prezidente Autoridade Munispiu Covalima simu ona orientasaun husi governu sentral, nune’e tempu badak sei hasai despaixu ida hodi hapara kolker atividade jogu “taru” liu liu Bola Guling (BG) iha area juridiku munisipiu Covalima.
Ba Jornalista sira iha nia k’nar fatin, Prezidente Autoridade Munisipiu Covalima, Miguel Armada Cardoso, konsidera Jogu “ Taru” fo impaktu negativu ba komunidade nia moris loro loron. Nia dehan liu husi jogu mos kontribui ba ema sai kriminozu no hamosu ema na’ok ten barak.
“Jogu ne’e estraga buat barak, jogu ne’e halo ita sai baruk ten, jogu ne’e ita iha uma laran mos bele hare malu ladi’ak, tanba ida ne’e mak apela ba komunidade sira hotu katak liu husi karta, oras ida sei tur hamutuk ho komandante Munisipiu sei hasai despaixu ida hodi taka jogu iha fatin fatin liu liu jogu Bola Guling (BG) ne’ebé mak ita iha, jogu seluk seluk tan mos, hanesan Jogu Bingo, jogu karta sira iha fatin fatin no kualker jogu ita sei taka hotu. dadaun ne’e akontese iha fatin fatin bele destroi bele mos estraga ita nia komunidade balu, iha fatin fatin hodi baku malu, joven sira kria problema deit, entaun jogu sira ne’e ita sei taka tanba kuandu jogu bebeik ona karau, kuda, animal sira ne’ebé komunidade nian, bele lakon hotu tanba jogu barak ona osan laiha ona hakarak ka lakohi sira ba na’ok” PAM Covalima Miguel Armada Cardoso Relata,
Komandante PNTL Covalima Superintendente Polisia, Calisto Gozaga, konkorda ho programa Governu liu husi Autoridade Munisipal priobidu kolker atividade jogu ka taru iha munisipiu covalima, tanba ne’e Komandu Polisia Covalima sei bolu lider ba atividade Joga sira hodi informa no hatene konaba validade lisensa operasaun jogu iha covalima husi inspesaun de jogu.
“Ha’u konkorda, kuandu iha programa husi prezidente autoridade Munisipal katak tenki hare konaba jogu sira ne’ebé mak iha Munisipiu ida ne’e, iha ne’e jogu ida mak bola guling, jogu ida mak kuru kuru, jogu ida mak ho Elektronik kasino nian no jogu ida mak ho numerika “SDSB”, ita sei tenta hela para bele informa ba ema hirak ne’e para atu bele taka, tempu badak ha’u sei bolu hela lider sira ne’ebé mak husi jogu ida ne’e para ha’u informa hela katak kualkuer meius taka, depois ita hein guvernu fo nia autorizasaun oinsa mak atu bele loke fila fali, maibe provizoriamente ita taka, ne’e taka total ba jogu ne’ebé mak iha Munisipiu Covalima, kasino mos ita sei husa hotu liu husi avaliasaun, kasino ne’e sei nia avaliasaun iha ka lae, avaliasaun ne’ebé maka mai husi lisensa sei moris ka lae, SDSB sira hotu ne’ebé maka loke iha ne’e ita sei bolu hotu ita husu nia lisensa ne’e sei validu ka lae, sira ne’ebé mak estado liu husi inspetur de jogu la fo lisensa ona konserteza ida ne’e ilegal ona, ne’e ita taka inklui Bola Guling hotu, bola Guling ne’e ha’u hatene kada fulan ida nia lisensa tenkeser iha, maibe husi kasino to’o ba fali iha SDSB ha’u rona maibe ha’u seidauk hare, ha’u rona dehan ne’e to tinan ida, ne’ebé tempu badak ita sei bolu hela sira nia ema sira para bele aprezenta ninia validade lisensa ne’e to tinan hira?, se kuandu validade ne’e sei autoriza ne’e laiha problema maibe sira ne’ebé mak la fo ona autorizasaun ita sei taka ne’e permanente” Komandante PNTL Covalima Superintendente Polisia, Calisto Gozaga esplika iha resinto administrasaun Covalima segunda (25/03), Hafoin remata halo enkotru ho Prezidenti Autoridade Munisipiu, Miguel Armada Cardoso.
Entretantu Segunda ne’e Prezindete Autoridade Munisipiu Covalima, Miguel Armada Cardoso, halo enkotru ho Komandante PNTL Covalima, Superintendente polisia Calisto Gonsaza, ko’alia konaba programa governu nian taka total kolker jogu iha covalima, liu liu jogu sira ne’ebé laiha lisensa husi governu atraves inspesaun jogu. Tanba ne’e hahu iha Inisiu fulan Abril 2024, Autoridade Munisipiu Covalima sei hapara hotu kolker atividade Jogu ne’ebé loke Iha Covalima.
Jornalista : Moichung
Editor : Chamot Nahac
