Iha audensia julagamentu Primeiru Interogatoriu (PI) ne’e, TDS liu husi juiz singular prezide julgamentu. Juiz Samuel da Costa Paicheco, aplika medida Aprezentasaun Periodika (PA) ba aguidu ho identidade inisial GS no aplika Termu Identidade Tejidensia (TIR) ba Arguidu na’in hat ho inisial MSC,NM,DAST no PG.
Notisia Rrelevante : https://radiosuai.blogspot.com/2024/05/membru-sni-tiru-kanek-joven-mane-nain.html
Julgamentu ba Primeiru Integoratoriu ne’e prezidi husi jusi singular Samuel da Costa Paicheco no Ministeriu Publiku (MP) Rafael Jeronimo Gusmão, ne’ebé indika ba prosesu tuir kodigu penal timor leste, Arguidu GS komete krimi ofensas ba integridade fisiku grave, prevista iha Artigu 146, no arguidu MSC,NM,DAST no PG, komete krimi hasoru ema nia vida, Omesidu simples, artigu 138.
Iha Julgamentu ne’e Arguidu na’in lima hetan asistensia legal husi Defensor Publiku, Domingos dos Santos.
“Foin mak Primeiru Introgatoriu, ne’e aban bainrua Ministeriu publika kontinua halo investigasaun foin halo akuzasaun ba Julgamentu ne’e, so ida ohin arguidu GS mak hetan Aprezentasaun Periodika no seluk ne’e , MSC,NM,DAST no PG hetan TIR hotu de’it” Defensor Publiku, Domingos do Santos hatete ba jornalista sira iha resinto TDS hafoin remata julgamentu Primeiru Integoratoriu ba Aguidu na’in 5.
Tanba ne’e defensor publiku, Domingos do Santos hatete konaba prosesu kontinuasaun hein deit investigasaun husi Ministeriu Publiku halo akuzasaun hodi kontinua halo julgamentu.
Re-lembra fali mos katak, akontese tiru joven mane na’in ida no baku tohar ema ho kondisaun difisiensia na’in ida nia liman parte k’wana (los) tohar, iha Aldeia Wetaba, Suku Beiseuk Postu Administrativu Tilomar iha loron 01 Fulan Maiu Pur volta tuku sanulu kalan, arguidu ho idetidade inisial GS membru Servisu Nasional Intelejensia (SNI) inisial GS, wainhira hetan ordem hala’o servisu sekreta iha Munisipiu Covalima liu liu iha area fronteira.
Jornalista : Moichung
Editor : Chamot Nahac
