Covalima (RCCT) 23-08-24-Ministru Agrikultura Pekuaria Peska no Floresta MPPF Akompaña husi Sekretaria Estadu Floreste, no Parlamentu Nasional Comisaun D hamutuk ho Prezidente Autoridade Munisipiu Covalima partisipa iha atividade tarabandu iha Suku Maudemu Postu Administrativu Tilomar.
Ho atividade tarabandu ne’e, Ministru Agrikultura Pekuaria Peska no Floresta, Marcos da Cruz, hateten atu bele regula ema ho ema, ema ho natureza, no mos ema ho balada sira .
“Tenki iha balansu entre ita ema ho natureza ho kriatura sira seluk ne hotu tenki iha balansu buat sira ne hotu laiha balansu tanba ita ema nia hahalok tanba ne trabandu ne halo atu regula ita ema halo problema ba kriatura sira seluk liu liu ba animal sira no aihoris sira ne hotu” Governante ne’e lansa palavra.
Prezidente Autoridade Munisipiu (PAM) Covalima Miguel Armada Cardoso “Razão” husu ba komunidade sira atu kumpri tarabandu.
“Prezidente uma fukun sira atu responsablidade ba tarabandu ida ne’e, tenke fo rigoroju ida ne’ebé mak na’ok nia hakarak ka lakoi ba kadeia hodi ita tauk, se lae ita la tauk dala barak iha fatin balu realiza ona tarabandu maibe atu kumpri hikas tarabandu ne’e susar ituan ba emi” PAM Covalima dehan.
Entretantu komunidade ne’ebé viola regulamentu ne’ebé hakerek iha tarabandu Suku Maudemu, maka sei halo festa ida hodi husu diskulpa ba komunidade hotu iha suku suku laran, engkuantu Serimonia Lansamentu Tarabandu ne’e hala’o iha Suku Maudemu Postu Administrativu Tilomar Munisipiu Covalima
Jornalista: Moichung
Editor : Chamot Nahac
