Covalima (RCCT)-16-03-21 Ekipa Ambulância Covalima foti Sidadaun Feto ida ho inisial DMTD ho Idade 21, iha Edifísio Edukasaun Municipio Covalima, hafoin hetan kontaktu husi Funsionario sira Husi Servisu Edukasaun Covalima, tanba deskunfia DMDT Foin viazen fila area afetadu Covi-19 (Postu Administrativu Fatumea) iha Loron Sabado (13-03-21).
Konta Kronolizia ba Jornalista Médiku Geral iha Kuarentina Suai Juvelino D.A Cardoso de Jesus informa, Sidadaun Feto ne’e ho inisial DMDT, Naturalidade Fatumea, durante ne’e hela iha Suai-Vila, maibe iha Loron Sabado liu ba (13-03-21) Sidadaun refere halo Viazem ba Area afetado Posto Fatumea liu Dato Rua, Fohorem hafoin ba liu Fatumea, ho Objetivu atu hasai deklarasun husi Suco do Fatumea, Posto Administrativu Fatumea, no fila fali mai Suai iha Loron Segunda-Feira (15-03-21), depois Sidadaun Feto (DMDT) iha Terca-Feira (16-03-21) mais ou menus tuku 10:20 dader, Sidadaun Feto (DMDT) kontinua ba hatama dokumentos iha edifisiu Eduksaun Municipio Covalima, maibe tanba iha deklrasaun nebe DMDT Aprezenta hamosu Paniku/trauma ba Funsionario sira iha edifisu Edukasaun Municipio Covalima hafoin hare deklarasaun ne’e hasai husi Xefe Suco Fatumea.
“Sidadaun ne’e hela iha Suai ne’e k’leur tia ona, nia ba Posto Fatumea iha loron Sabado (13-03-21) atu hasai deklarasaun husi Xefe Suco iha Xefe Suco Fatumea Postu Fatumea, maibe agora dalan atu tama Posto Fatumea ne’e taka tomak , entaun nia liu husi dalan seluk iha Fohorem ba Dato Rua, ba liu Fatumea, depois ohin nia ba hatama deklarasaun iha Edukasaun Covalima ne’e, iha neba Staff sira hare nia Deklarasaun no husu katak, Nia foin tun husi Fatumea, tanba ne’e maka sira husi Edukasaun sente trauma hodi liga ami, ami ba foti kedan lori mai hatama iha kuarentena ne’e ” Médiku Geral Kuarentena dehan iha Fatin Kuarentena Bairo Costa Suco Debos.
Médiku Geral ba Kuarentena ne’e salienta, Sei halo teste ba DMDT atu nune’e bele hatene nia kondisaun tamba, tamba Pessoal ne’e foin halo movimentu taman no sai husi Areai afetado.
“Ita hatene katak Posto Fatumea ne’e hanesan fatin risku, tamba ne’e ami ekipa sei halo teste ba nia, atu nune’e ita bele hatene oinsa nia kondisaun, maibe ohin h’au ba husu nia kondisaun, nia dehan katak nia inus metin durante loron 10 resin ona, ne’e be ami sei halo teste atu nune’e bele hatene lolos ninia kondisaun Saude ne’e oinsa?” Médiku Geral ne’e informa liu tan.
Entertantu tuir informasaun ne’ebe jornalista RCCT asessu, Tersa Feira (16-03-210 kuarentena Bairo Kosta Suai, re-intrega sidadaun hikas na’in 4 ba nebe kumpri ona kompleta kuarentena durante loron 14 ba Familia iha Suku Maudemo.
Jornalista : Tynho Gusmão
Editor : Chamot Nahac
