Covalima (RCCT) 11-05-21 Relasiona ho Surtu Corona Virus nebe mosu iha Mundo inklui Nasaun Timor-Leste mos regista numero kazu positivo Covid 19 rihun ida resin, iha Municipio Covalima, ba dadaun ne’e Komunidade barak maka la konsulta iha Hospital Referal Suai tanba tauk ho Swab Test
Dehan Diretora Apoio Diagnóstica e Trapeótico iha Hospital Referal Suai, Judith Imaculada Segunda Feira Semana ne’e (10-05) ba Jornalista RCCT iha Hopital Suai.
“Ho moras pandémia Covid 19 nebe mosu iha Mundo inklui Nasaun Timor-Leste, iha ita nia Municipio Covalima ikus-ikus ne’e ita nia Komunidade sira mai konsluta maibe barak maka la mai, tanba sira tauk buat ida atu halo swab, tanba ne’e maka dala ruma sira la mai konsulta iha ne’e ” Dehan Diretora Judith Imaculada.
Tanba ne’e Diretora Judith Imaculada nafatin husu ba Komunidade sira iha Municipio Covalima, bainhira hetan moras ruma atu hakbesik ba Hospital Referal Suai atu nune’e bele hetan tratamentu ho digno kona ba sofrementu nebe sira hetan liga komunidade rasik nia Saude, no bele hetan Teste Swab, atu nune’e bele mos identifika moras kona ba corona virus iha ema ida idak nia isin lolon.
Jornalísta : Tynho Gusmão
Editór : Chamot Nahac
