Jornalista : Asatu Soares
Editor : Chamot Nahac
Covalima (13-07-2020)- Servisu Rezisto Civil no Notariado Munispio Covalima seidauk utiliza makina halo passaporte hodi komunidade sira tamba kompanha nebe manan seidauk instalasaun eletrisidade Trifas iha edifisio Rezisto Civil Covalima.
“ Ami iha ona fonsionario kasual sira ne’ebe ba tuir ona treinamentu semana ida iha Nacional, konaba oinsa mak atu halo atendementu ba Komunidade sira iha Covalima hotu halo tratamento ba passa porte eletronik ninian no Funsionarios sira ne’e preparado ona atu hala’o sira nia sevisu hodi fo atendemento ba komunidade sira nebe hakarak mai halo Passaporte Eletronika iha ne’e”. dehan Antonio Sarmentoba Jornalista RCCT Segunda Feira ohin (13/07) iha ninia k’nar fatin Edificio Registo Civil Covalima.
Engkuanto Diretor Antonio Sarmento hak’lean, makina refere dadaun ne’e perparado ona no hein deit kompanha halo hotu instalasaun eletrisidade linha trifas ne’e hahu ona simu komunidade sira neebe mak presiza atu trata sira ninia passaporte, Diretor ne’e mos husu ba komunidade sira atu pasensia hodi hein ba prosesu ida ne’e, tanba iha tempu badak ekipa husi husi Nasional hamotuk Kompanya manan nain sei mai halo instalasaun eletrisidade linha trifas iha edfisio Registo Civil no Notarioado Munisipio Covalima nune’e atendementu ba trata passaporte ne’e bele hahu ona.
“Agora dadaun ami seidauk bele halo atendementu ba komunidade sira nebe hakarak atu trata passaporte iha Municipio ida ne’e tamba kompanha nebe manan ba tender atu instala Eletrisidade trifas iha edifisio ne’e seidauk mai halo instalasaun ho rajaun sei halo hela instalasaun iha edifisio Registo Civil ninian Municipio seluk”.Tenik Diretor Antonio Sarmento.
