COVALIMA (RCCT)- 12-03-21 Inan faluk Isabel de Jesus  tinan 65 moris ho kondisaun difisiénsia ain, hela iha Suku Matai Aldeia Kunain Posto Administrativu Maukatar, durante tinan barak ona Isabele de Jesus hamutuk ho nia Bei oan Feto na’in 4 nebe sei ki’ik hotu, seidauk iha mahon ba sira atu hela ba.

Tanba ne’e, Inan Faluk nebe moris ho kondisaun difisiensia hamutuk ho nia bei oan Feto nain 4 hela hadolik (Muda ba Mai) husi ema ida nia uma, no ba ema seluk nia uma, tamba seidauk iha uma rasik (mahon) atu hela ba.

Inan Feto Faluk Isabel de Jesus nia la’en naran Silvester Amaral, sira n’in rua ihs oan Feto na’in ida, nebe forma ona uma kain iha Aldeia Kunain Suku Matai, maibe domin nebe sira nia oan Feto ho nia La’en iha hodi hari uma kain ne’e, hakotu deit iha dalan klaran.

Iha tinan 2016, Maromak bolu fali Isabel de Jesus nia la’en Silvester Amaral
nune’e obrigatoriomente Isabel de Jesus tenki sai aman no mos inan ba oan sira.

Konta nia história ba Jornalista RCCT iha Aldeia Kunain katak, Inan faluk isabel dehan Bainhira nia La’en ne’e sei moris sira hela iha ema ida nia uma, tanba sira la iha rai atu halo uma rasik,  to’o ikus mai nia La’en husik hela nia iha Mundo ne’e, Inan Faluk ne’e obrigadu tenke hela fali ho ema seluk (Vizinho), tamba uma nebe sira hela ba ema nain okupa fali.

“Ha’u nia terus ne’e ha’u konta la hotu, uluk ha’u nia La’en sei moris ami hela iha uma ida iha sukaerhun neba ne’e, maibe ne’e ema nia uma, ema na’in atu hela ne’e maka ha’u ho Bei Oan mai hela iha  fali ne’e, durante ne’e ami nia rai la iha atu halo uma, depois ha’u nia oan Feto mos fahe malu ona ho nia La’en ona, nebe bei oan ne’e mos na’in rua maka eskola iha SD Kunain, tanba nia Tiu sira maka hare,  no na’in rua la eskola tanba ha’u osan la iha ” Inan Isabel konta ho Sentimento Tanis.

Ho matan ben inan faluk  Isabel de Jesus espresa kona ba realiadade nebe moris nebe nia infrenta durante ne’e, nia dehan moris nebe nia hala’o agora ne’e todan halo nia labele ona atu hasoru realidade moris ne’e.

 “ha’u nia terus hodi hala’o moris ne’e lahanesan ho ema seluk nian, Kuando ha’u dale nune’e ha’u tanis, ha’u hodi lun, terus ha’uk ida ne’e ha’u dale la hotu, ha’u kiak ida ne’e seluk ida du’uk, kiak ha’uk ida ne’e kiak to’o ” ho lian materna tetun terik Inan Faluk Isabel de Jesus hakotu.

Hare ba kondisaun moris nebe Inan Feto Faluk Isabel infreta maka Xefe Aldeia Kunain informa via telefone ba EKSES-COVID20 hodi husu apoio sasan nessesidade basikas tanba ne’e imediatamente Ekipa Servisu Covalima Vitoria ho Domin20 (EKSES-COVID20) iha Sesta feira dadersan (12-03-2021) Apoio kedas Fos saka 2, Sedaap kaixa 2, inklui Bimoli 5, hodi tulun ba Inan Faluk ne’e tamba tuir informasaun.

Hafoin Simu Apoio husi EKSES-COVID20 Inan faluk Isabel de Jusus espresa sai ninia sentimentu kontenti nebe falun iha okos nakonu ho matan durante hala’o nia nia moris.

 “ ohin ita nia bei-oan sira mai fo ha’u fos ne’e ha’u kontente, maibe ha’u triste nafatin tanba moris ida ha’u nian ne’e ha’u atu halo nusa, ha’u nia ain sorin be ladi’ak, atu buka osan mos ladi’ak, ha’u nia bei-oan nain 4 ne’e ha’u fo han labele tanba, ha’u ne’e faluk, ha’u nia ain sorin mos ladi’ak, merkado ne’e mos ha’u la ba ” Inan Faluk kontinua konta ho Matan Ben Suli (Tanis)

Enkuanto Xefe Aldeia Kunain Simão Gusmão mos rekonhese durante Inan Faluk Isabel la iha rai atu hodi hari ninia uma tanba ne’e Inan faluk Isabel durante ne’e hela deit ho Vizinhu sira, aliened ne’e Isabel mos susar atu buka no hetan ai han tanba moris ho kondisaun difisiensia ain.

 “Durante ne’e ha’u hatene hela katak Inan Faluk ne’e ho nia bei-oan sira la iha uma ida atu sira hela ba, tanba ne’e agora dadaun nia hela ho Vijinho sira tamba Vijinho sira mos hanesan ema humano simu Ferik ne’e ho Liman ru, Ohin dadersan ita nia avo ne’e husu aihan iha ha’u, maibe ha’u mos agora araska los ne’e, ne’e mak hau liga ba EKSES-COVID-20 ohin fo ona aihan balu ba nia” Dehan Xefe Aldeia Kunanin.

Xefe Aldeia ne’e kompromote hodi oferese rai ho medida nebe naton ba Inan Faluk ho nia Bei-oan na’in 4, no sei organiza komunidade sira iha Aldeia Kunain atu halo uma tali ida ba Inan Faluk ne’e, atu nune’e nia bele hela ba, Nia hatutan ba oin sei buka dalan ba inan faluk ne’e oinsa bele hetan naroman iha nia moris.

“ohin ha’u oferese ona ha’u nia rai ki’ik oan ida, atu nune’e ha’u organiza jovem sira bele halo uma Tali ida ba nia, no hau sei buka dalan ba nia atu nune’e nia mos bele hetan naroman ” Xefe Aldeia Kunain ne’e Haktenik.

Jornalista                     : Tynho Gusmão & Jose Ferreira

Editor                           : Chamot Nahac