Diretór Servisu Munisipal Apoiu ONG no Organizasaun Komunitaria Munisipiu Covalima Agustinho Mendonça, hatete molok Taka tinan 2023 iha Fulan Dezembru Orsamentu mos tenke hotu, tan ne’e haree ba Orsamentu sei iha maka servisu Munisipal Apoiu ONG Komunitaria hamosu inisitiva ida hodi fasilita formasaun formasaun ba xefe suku Sira kona ba Lei No.9/2016 8 de Jullu.
“Tinan 2023 atu taka daudauk ona tama Dezembru, tanba ami iha osan formasaun ba xefe suku sira, tan ne’e mak hau halo formasaun ba xefe 30 no osan 2023 nian ne’e tenke halo remata no formasaun Ida ne’e foka liu ba kompetensia xefe suku nian liliu kona ba Lei No. 9/2016 8 de Jullu” informa Diretor Apoiu ONG no Organizasaun Komunitaria Munisipiu Covalima Agustinho Mendonca, ba RCCT hafoin halo enseramentu formasaun ba xefe suku 30 ne’ebe hala’o iha salaun Administrasaun Munisipiu Covalima Kuarta (13/12) Foun lalais ne’e.
Nia dehan formasaun ida ne’e importante tebes no fo kompetensia ba xefe suku Sira oinsa atu bele servi povu ho di’ak.
“Formasaun ba xefe suku sira tebes tanba fo kompetensia ba sira atu hala’o hodi servi povu, atu haree povu ho di’ak, Ita tenke fo formasaun, halore lei ida ne’e ba sira, tanba Ha’u hatene katak hahu husi primeiru periodu to’o ohin loron formasaun ba xefe suku konaba lei no.9/2016 ne’e foin primeiru ves halo ida ne’e” nia dehan.
Fatin Xefe Ogues Febriano Pereira, sente orgulhu tanba formasaun ida ne’e importante ba xefe suku sira atu hatene konaba lei No.9/2016 8 de Jullu hodi fo kompetensia ba xefe suku servi povu ho diak liu tan.
“Tuir hau nia hanoin sente orgulhu tanba formasaun durante loron tolu, formasaun Ida ne’ebe fo kompetensia xefe do suku nian ba lei No.9/2016 8 de Jullu, to’o ohin loron foin hatene loos ami nia kompetensia atu bele servi povu, husi formasaun loron tolu ne’e kapasita duni ami, mellhora duni ami kona ba lideransa suku nia papel oinsa mak ami bele manifesta ami nia dezenpenamentu sira iha suku durante mandatu tinan 7 nia laran” xefe suku ne’e informa.
Entertantu formasaun ne’e importante tebes ba lider komunitaria tanba atu bele manifesta sira nia kompentensia hodi servi povu ho di’ak iha mandatu tinan 7 nia laran.
Jornalista : Julio Salinas/Moi Chung
Editor : Chamot Nahac
