Covalima(RCCT)26-02-23–Ministru Turizmu Komérsiu no Indústria, José Lucas do Carmo da Silva, hateten governu sei halo promosaun ba sentru soru tais iha Suku Suai Loro, Postu Administrativu Suai, Munisipiu Covalima, tanba iha Timor ne’e hetan rekoñesementu iha mundu internasional, tais sai patrimonia internasional la’os iha Timor deit.
“Ita nia tais ne’e rasik hetan ona rekoñesementu iha mundu internasional sai patrimonia internasional, la’os ona Timor deit ona, tanba ne’e hela uitoan ba ita maka traballu de casa, tan ne’e husu atu serbisu hamutuk produs tais halo barak no hare nia kualidade didi’ak tanba rekoñesementu ita hetan ona husi UNESCO, ONU ne’eba” informa Ministru Turizmu Komérsiu no Indústria José Lucas do Carmo da Silva, iha nia intervensaun hafoin hala’o inagurasaun ba Sentru Soru Tais iha Suku Suai-Loro, Postu Administrativu Suai, Sabadu (25/02).
Nia haktuir bele hetan ona rekoñesementu iha ona mundu internasional tan ne’e husu atu serbisu hamutuk hodu produs tais ho nia kualidade halo didiak no produs halo barak liu tan ida ne’e maka governu nia papel oinsa atu halo promosaun tais ba iha rai liur.
Governante ne’e husu ba grupu soru tais sira atu serbisu maka’as liu tan, tanba serbisu governu nian maka halo promosaun, asegura merkadu.
“Agora husi governu eziji tebes ba inan feton no maun alin sira ne’ebe halo serbisu kona-ba soru tais ida ne’e, ita lakohi bainhira ema mai vizita sentru soru tais mai hetan fali tais bosan sira iha sentru, ida ne’e labele mai bainhira ema mai vizita hakarak atu haree tais foun no kualidade di’ak, la’os hare buat tuan tau iha ne’e.” Katak nia
Administrador Munisipiu Covalima Francisco de Andrade, husu ba autoridade sira iha Suai Loro iatu iha koperesaun di’ak hodi garante susntentabilidade ba sentru soru tais nune’e grupu sira bele utiliza hodi halo produsaun ba tais iha Covalima.
“Tanba ne’e ha’u husu ba xefe suku, xefe aldeia sira hotu atu tau matan ba fatin ida ne’e,fatin ida ne’e di’ak ba ita hotu, ne’ebé responsabilidade ne’e la’os deit ba iha autoridade maibe ba komunidade sira hotu mos bele tau matan atu ema labele estraga” nia dehan.
Ba oin wainhia MTCI atu halo exportsdsun tais ba estrajeiru mak sei husu mos tais husi sentru soru tais iha suia loro, tanba grupu sira halo produsaun barak ba tais ho kualidade ne’ebé di’ak.
Jornalista :JC
Editor : CN
