Covalima (RCCT) 03-04-24-João Martins relata dadaun ne’e, Servisu Munisipal Protesaun Sivil no Jestaun Dejastre Naturais,(SMPCGDN), hala’o hela preparasaun molok akontese dezastre iha covalima.

Diretór Servisu Munisipal Protesaun Sivil no Jestaun Dejastre Naturais,(SMPCGDN), João Martins dehan, durante ne’e, hale’u fulan Abril to’o Maiu Sempre akontese dezeste iha Covalima, tan ne’e maka Servisu Munisipal Protesaun Sivil no Jestaun Dejastre Naturais sei halo treinamentu ba Atoridade Lokal sira konaba prevensaun dezastre no mos prepara material Food Item no Non food hodi fo apoiu ba komunidade vitima sira wainhira akontese dezastre naturais.

“Konaba ami nia preparasaun ba material food Item no non food item agora dadaun iha armazen, atu fo resposta ba situasaun emerjensia sira ne’e, em primeiru lugar ami sei ba fatin ne’ebé mak kategoria risku ba dezastre ninian, ami sei halo prevensaun ba ida ne’e, fo trenamentu ba Komunidade sira liuliu pesoal Suku sira tanba agora dadaun pesoal suku sira mos foun hotu, ne’ebe ami sei prepara fo formasaun ba ita nia autoridade lokal sira, agora dadaun ita depende ba osamentu, orsamentu priemiru ne’e ita labele ezekuta tanba semana ida nia laran deit ita labele ezekuta ne’ebé ami hein iha Q2 nia laran ne’e kuandu osamentu ne’e sai ami bele tun ba” João Martins esplika.

Nia fundamenta iha orsamentu Quarte primeiru halo deit intervensaun ba situasaun emerjensia sira hanesan dezastre anin Sobu Uma, no rai halai tan ne’e mak material sira sei sufisiente atu bele fo apoiu ba komunidade sira ne’ebé sai vitima dezastre naturais ho orsamentu Quarter Segundu.

“Q1 ami halo intervensaun deit ba situasaun emerzensia sira liu liu dezastre Uma anin sobu, no rai halai ninian ne’e, eskolla ba ajuda emerzensia material food item no non food item ne’e sei sufisiente, fos sei saku besik atus ida, supermi mos hanesan, non food item hanesan nia pakote ne’e kuaze atus ida, tempu udan ne’e april, Maio, ne’e ami bele responde ida ne’e ba fulan tuir mai fali ne’e orsamentu preve hela be ami prepara ida ne’e” tenik nia.

Entretantu dadaun ne’e stoke Material food item no non food item iha armazen Servisu Munisipal Protesaun Sivil no Jestaun Dejastre Naturais Covalima sei sufisiente hodi hatan ba dezastre natuarais ne’ebé karik akontese iha fulan April no Maio nia laran.

Jornalista: Moichung

Editor       : Chamot Nahac