Covalima (RCCT) 24-04-25 STAE Munsispiu Covalima seidauk inprimi kartaun biometriku ba sidadaun eleitor hamotuk rihun rua resin, tanba stoke blanko kartaun no filme no rimbo hotu hahu kedas iha loron 11 fulan fevereiru 2025.
Diretór STAE Munisipiu Covalima Fransisco Gusmão hatete Mesmu skote blaku kartaun hotu maibe servisu atendimentu kontinua la’o hodi hein skoke blanko iha mak foin halo produsaun ba sidadaun sira nia kartaun eleitoral biometrika.
“STAE Munisipiu hahu husi dia 11 de fevereiru ate agora seidauk halo imprimi kartaun foun biometriku ba eleitor sira tanba ita nia stoke blanko iha Nasional mos hotu. Mesmu ita halo atendimentu maibe ita seidauk bele imprimi hodi hein bainhira blanko sira ne’e to’o mai mak ita foin imprimi fila fali kartaun sira ne’e ba eleitor sira” Diretór STAE Munisipiu Covalima Fransisco Gusmão, Informa.
Fransisco dehan, dadaun ne’e STAE nasional halo hela akizasaun ba material hodi hein prosesu tenderizasaun.
“agora dadaun iha nasional halo hela akizasaun ba material sira ne’e ba iha kompañia sira ne’ebé hodi hein prosesu tenderizasaun, depois maka sira bele hatama sasan sira ne’e mai pois ita imprimi karataun biometriku ba sidadaun sira” Tenik Francisco.
Entretantu tuir observasaun jornalista katak, maske skoke blanko kartaun hotu maibe funsionariu sira iha STAE Covalima kontinua halo atendementu ba eleitor sira ne’ebé mai traka sira sia kartaun eleitoral biometrika.
Jornalista : Alfredo Barreto
Editor : Chamot Nahac
