COVALIMA (RCCT) 18-01–23-Sekretariadu Tekniku Administrasaun Eleitoral (STAE) Munisipiu Covalima sei hala’o relrutamentu ba brigada na’in-100, hodi prepara ba iha eleisaun parlamentar ne’ebe sei akontese iha tinan ida ne’e nia laran.
“Preparasaun ba STAE Munisípiu Covalima daudaun taka ona avizu rekrutamentu brigada hodi prepara ba eleisaun parlamentar 2023 nian, total brigada negro ne’ebe ita sei rekruta iha brigada na’in-100, tanba foin daudaun ne’e sira husu tan atu ajusta sentru votasaun ida, ne’ebe agora ami identifika ona iha EBC 1.2 Belulik Leten, Postu Administrativu Fatumea” informa Diretór Sekretariadu Tekniku Administrasaun Eleitoral (STAE) Munisipiu Covalima, Francisco Gusmão, ba jornalista sira iha nia kna’ar fatin STAE Covalima, Kuarta (18/01).
Nia dehan ba eleisaun parlamentar tinan ida ne’e iha Covalima sei ejiste sentru votasaun 100, tanba ne’e tuir numeru sentru votasaun ne’ebe iha maka STAE sei rekeuta brigada na’in-100.
Agora daudaun STAE foin maka taka avizu maibe komesa rekolla dokumentus sei hahu iha loron 20-27 janeru tinan 2023, bainhira dokumentus hatama hotu ona ekipa ida foin halo selesaun ba dokumentus sira ne’ebe joven sira hatama.
Selesaun ne’e ba rekrutamentu sei hala’o deit iha munisipiu la presiza halat ba to’o iha Dili.
“Tuir informasaun ne’ebe maka ita simu iha munisipiu ida-idak sei hetan apoiu husi nasional na’in-1 mai hodi halo selesaun ba dokumentus” nia haktuir.
Nia afirma ba eleisaun parlamentar tinan ne’e sentru votasaun-20 no estasaun votasaun-8, tanba haree husi tinan kotuk eleisaun prezidensial hatudu eleitores barak maka la partisipa hodi ezerse sira nia direitu hotu vota tanba ho razaun katak sentru votasaun balu distansia dok liu husi komunidade nia hela fatin, tanba ne’e mak sira ladun partisipa, ida ne’e hanesan problema ida na eleitor sira atu bele hakat ba iha sentru votasaun hodi vota.
Niandehan ho estabelese tan sentru votasaun foun STAE sei garantia eletor sira sei paryisipq masimu iha festa dwmokrasoa ba eleisaun parlamentar nian.
“Maizumenus hanesan tanba eleisaun la obrigasaun ba sidadaun hotu atu bele ba tuir eleisaun, maibe konsiénsia rasik husi eleitor sira atu ba vota, maibe ita la obriga bainhira eleitor ida ba vota, maibe sira iha konsiénsia rasik iha direitu atu mai partisipa iha festa demokrasia ne’e hodi hili partidu ka ba figura ida ne’ebe diak” nia dehan.
Nia esplika nudar sidadaun loloos ne’e nia halo kontribuisaun ba nasaun ida ne’e liu husi sira nia ezerse votus ba partidu ka ida ne’ebe mak sira hakarak hili.
Entertantu total eleitor iha Munisípiu Covalima hamutuk ema na’in-48.830, kompostu husi mane na’in-24.950 no feto na’in-23.880.(Azu)
