Covalima (RCCT) 09-05-23, Diretór Sekretariadu Tékniku Administrasaun Eleitorál (STAE) Munisipiu Covalima, Francisco Gusmão, Tersa (09/05) relaiza enkontru ho autoridade lokal inklui parte seguransa hodi koalia kona-ba atu divulkasaun informasaun prepara eleisaun parlamentar 2023.
“Atividades ne’ebe ohin iha STAE Munisipiu Covalima halo liu husi enkontru ne’ebe ita realiza ne’e atu divulkasaun informasaun ba preparasaun Covalima nian ba instituisaun hotu kona-ba Preparasaun hirak ne’ebe atu hala’o loron hirak tuir mai ba eleisaun parlamentar nian” informa Diretór STAE Munisipiu Covalima Francisco Gusmão ba jornalista sira hafoin remata enkontru divulkasaun kona-ba prosesu eleisaun parlamentar 2023, ne’ebe organiza husi STAE Munisipiu Covalima, Tersa (09-05).
Diretór STAE haktuir preparasaun ba loron hirak tuir mai ne’e maka STAE Covalima sei ba foti bulletin de votus iha nasional lori mai Covalima depois sei kontinua ho verifikasaun ba bulletin de votus, iha ne’eba sei haree buat balu ne’ebe maka keta iha bulletin votus balu foee karik sei hasai kedas nune’e labele difikulta official eleitoral sira iha sentru votasaun bainhira iha loron eleisaun, ida ne’e maka STAE halo depois kontinua ho pakotementu ba material sira, atu nune’e material sira atu lori ba sentru votasaun sira ne’e preparadu ona.
Nia haktuir material sira atu lori ba iha sentru votasaun ne’e preparadu tiha ona, atu nune’e iha loron distribuisaun laiha material balu maka husik hela iha STAE Munisípiu hodi difikulta brigada no poling staff sira iha.loron eleisaun nian bainhira material la kompletu.
“Razaun hirak ne’e maka halo ita, halo pakotementu ba material sira nune’e material sira ne’e to’o iha sentru votasaun sira diak ho justu tuor material ne’ebe iha” nia dehan.
Nia afirma liu husi enkontru ida ne’e prefere liu ba dezafiu ne’ebe STAE sente ba iha distribuisaun material iha loron 20 fulan Maiu tanba iha atividades rua maka hala’o hanesan selebra loron restauraurasaun independensia no tuir fali sei hala’o distribuisaun material sensitive no laos sensitive ba sentru votasaun sira, tanba ne’e maka STAE konvida autoridade lokal hanesan PNTL, Sekretaria Munisípiu Covalima ho diretor Serbisu delegation teritorial no diretor Serbisu munisipal sira inklui media no fiskais sira para bele hatene informasaun girak ne’e ho di’ak para aban bainrua iha sentru votasaun, fiskais sira labele hetan naksalak ruma ho brigada sira kona-ba kartaun sira ne’e.
“Hau nia sujestaun ba nai ulun sira atu bele hanoin oinsa maka ita nia atividades rua ne’e la’o ne’e labele husik hela ida maibe rua ne’e bele lao hamutuk” nia dehan.(JS)
