Covalima (RCCT) 20-10-23-Sekretariadu Tekniku Administrasaun Eleitoral (STAE) iha Munisipiu Covalima laiha informsaun konaba kandidatu Xefe Suku na’in ida iha Matai la pasa iha selensaun dokumentu wainhira rejista iha meja eleitoral atu kandidata ba xefe suku matai, iha loron 13 fulan outubru foin lalais.

Diretor STAE Covalima, Francisco Gusmão, hatete durante prsesu kandidatura sira submete dokumentu ba iha meja eleitora kada suku ida idak to’o remata, nia parte la hetan informasaun ruma konaba Kantidata Xefe Suku balun mak la pasa iha selesaun dokumentu nebe meza eleitoral halo iha kada suku.

“Konaba ida ne’e Ha’u labele fo komentariu tanba durante prosesu mai to’o finalidade prosesu ne’e laiha informasaun ruma maka tama to’o iha STAE Munisipiu, entaun konaba informasaun ne’e Ha’u labele fo komentariu tanba Ha’u la hatene ba prosesu rejeita ou admitidu, ida ne’e sira la informa mai iha ne’e, tuir loloos se karik akontese hanesan ne’e sira husi meja eleitoral ou kandidatu ne’e rasik bele liga telefoni direita mai iha STAE Munisipiu mais ida ne’e la akontese tan ne’e Ha’u labele fo komentariu” informa Diretor STAE Munisipiu Covalima, Francisco Gusmão ba jornalista sira iha nia knar fatin STAE Munisipiu Covalima Sesta ne’e.

Lee tan : https://radiosuai.blogspot.com/2023/10/problema-dokumentus-impede-tobias-nia.html

Antes ne’e, iha loron 13 fulan outubru foin lalais, iha Suku Matai Postu Administrativu Maukatar, Wainhira Kandidata Xefe Sira Aprezenta Sira nia kandidatura no lista Apoiuates ba Meja Eleitora Suku, Maibe Sidadaun Matai, Tobias de Araujo Amaral hetan sorti ladi’ak tanba la pasa iha selesaun dokumentu.

Tobias esplika ba RCCT, lapasa iha selesaun dokumentu tanba lista apoiantes ne’e nia aprezenta iha balun tau asinatura, balun hanesan deit metan ho razaun ne’e meja disidi Tobias lapasa iha selesaun dokumentu ne’e.

“Ha’u nudar ema Matai oan hakarak atu kompete iha suku tanba hanoin atu hadi’a no dezenvolve rai Suku Matai, tanba ida ne’e mak Ha’u mos obrigasaun bele kompete iha eleisaun suku ba periodu 2023-2030, iha loron 13 kandidatu hotu ida-idak lori dokumentus ba iha sede suku hodi rejista naran maibe iha selesaun dokumentus, iha faillansu balun halo Ha’u la pasa tanba haree husi eleitores ka apoiantes sira nia eleitoral ne’ebé Ha’u lori ba hatama ne’e iha eleitores balu asina no balu hanehan metan ho razaun ida ne’e maka husi meja desidi katak ema ne’ebé asina no ida ne’ebé tonan metan labele asina ho ida ne’e mak meja foti desizaun Ha’u labele liu iha selesaun dokumentus iha momentu ne’eba” informa Tobias de Araujo Amaral.

Maske nune’e hanesan Matai oan Tobias nafatin kopera no prontu atu servi no kontribui ba kolker dezenvolve iha suku laran.

Roportazen RCCT

Editor     : Chamot Nahac