Diretor STAE Covalima Francisco Gusmão dehan, Aluga tan kareta hodi Apoiu halo distribuisaun sasan eleisaun suku segundu ronde ne’e tanba numeru viatura estadu iha covalima hamotuk 24 deit nune’e sufisiente atu uja halo transportasaun sasan sentivu no la’os sensitivu ba to’o suku no aldeia.
“Kareta ita nafatin aluga tanba viaturas estadu iha Covalima la sufsiente atu transporta material eleisaun nian ba to’o suku no aldeia sira iha teritoriu Covalima, tan ne’e ita presija aluga kareta, agora ema fo deit atu aluga kareta 18, kareta sira ne’e ita selu ba kada loron ida sei selu osan ho montante hamutuk dolar Amerikanu atus ida ruanulu ($ 120), tan ne’e ba loron 3 nia laran kada karetanita sei selu osan ho montante dolar Amerikanu atus tolu neen nulu ($ 360), kareta estadu ne’ebé iha inklui STAE 24 ba aluga ne’e iha kareta 18” infroma Diretór STAE Munisipiu Covalima Francisco Gusmão ba jornalista sira iha nia kna’ar fatin STAE Covalima, Sexta (10/11).
Diretor STAE Covalima Fundamenta, iha eleisaun orgaun suku ba primeiru ronde Stae Covalima Aluga kareta hamotuk 30, maibe iha Segundu ronde Redus ba kareta 18, nune’e STAE sei Esforsu uja kolker meius hodi garantia material sensitivu no la’os sensitivu tenki to’o iha sentru votasaun mak estabelese ona iha teritoriu Covalima.
“Antes ne’e mos ita aluga kareta 30 maibe tama ba segundu Volta ne’e sira redus fali ba aluga kareta 18 deit ona, ne’ebé atu sufaiente ka la sufsiente mos ita haree husi nia jestaun tanba hakarak ka lakohi ita nia sasan sira ne’e tenke to’o sentru votasaun sira iha Aldeia no suku” nia esplika
Entretantu diretor STAE Covalima dehan lia ne’e sexta foin lalais wanhira halo verifikasaun ba bulenti votu eleisaun suku ba ronde daruk.
No kareta 18 ne’ebé STAE Covalima Aluga ho durasaun loron 3, loron ida selu $120 kada kareta.
Editor : Chamot Nahac
