Covalima (RCCT) 10-11-23-Kinta ne’e hafoin transporta buletin votu husi Dili mai to’o iha Covalima hale’u oras tuku 3 loro kraik no iha tuku 5 Sekretariadu Tekniku Administrasaun Eleitoral (STAE) hahu kedas halo verifikasaun ba buletin votus to’o iha tuku 12 kalan, nune’e kontinua halo verifikasaun, basa domingu semana ne’e tenke halo ona distribui material sensitivu no la’os sentivu ba sentru votasaun sira iha suku 24 ne’ebé avansa ba segundu volta.

Diretór STAE Munisipiu Covalima hatete, Covalima iha total livru 43 no foilas hamutuk rihun47.150.

“Total livru hamutuk 43 no total foils hamutuk rihun 47.150, ita haree iha bulletin votus suku nian ne’ebe ita verifika konsege hetan foils ida ka rua husi Munisípiu Dili nian ne’ebe tama iha ita nia livru Covalima nian, maibe ida ne’e la fo impaktu ba ita nia prosesu tanba livru ne’ebe simu husi ita nia autoridade sira, foils sira ne’ebe husi Munisípiu seluk nian tama iha ita nian ne’e la fo impaktu, kuantidade husi ita nian ne’e diak maibe ita haree liu ba kandidatu sira nia naran ho fotografia ne’e apar ka lae, presija haree didiak tanba ke halo naran ema seluk nian fotografia ida seluk nian tan ne’e ita haree didiak buat sira hanesan ne’e atu labele akontese” nia dehan.

Nia afirma sei esforsu finaliza lalais halo verifikasaun ba buletin votus para bele kontinua kedas ba pakotementu molok domingu halo distribuisaun ba sentru votasaun sira.

“Ita nia verifikasaun esforsu atu halo finaliza kedas tanba tempu badak daudaun, depois de verifika pakotementu ba material sira, distribuisaun ba bulletin votu sei distribui iha loron Domingu 12 Novembru ba aldeia 123 iha Covalima” Diretór STAE Munisipiu Covalima Francisco Gusmão afirma.

Diretor STAE ne’e subliña viatura iha Munisipiu Covalima la sufisiente atu transporta material sensitivu no laos sentivu ba to’o sentru votasaun, tanba ne’e STAE sei kontinua aluga kareta privadu hodi halo alokasaun ne’e.

“Kareta ita nafatin aluga tanba viaturas estadu iha Covalima la sufsiente atu bele distribui material to’o suku tanba ne’e presija aluga tan kareta komunidade sira nian hodi distribui material, tan ne’e ba eleisaun segundu Volta ne’e sei aluga kareta 18, kada loron kareta ida sei selu ho osan montante $ 120 ne’ebe ba loron-3 nian ita sei selu kada kareta ida ho montante $ 360, ba kareta estadu ne’ebe iha Covalima inklui STAE nian hamutuk hamutuk kareta 24, kareta aluga iha 18” nia hatete

Entretantu hafoin halo verifikasaun ba livru hamutuk 43 no foilas ne’ebe hamutuk 47.150 ne’e deteta iha buletin votu husi folla dili nian mak tama iha livru covalima, maibe ida ne’e la fo impaktu ba iha prosesu sira hotu.

Jornalista : Julio Salinas

Editor : Chamot Nahac