Covalima (RCCT) 27-02-25 Sentru Solidaridade Sosial no Inkluzaun (SSSI) Covalima fasilita formasaun ba Funsionariu Apoiu Suku ba Asuntu Sosial husi Suku tolu nulu mak partense iha munisipiu Covalima, konaba Programa Hametin Familiar.
Reprezentante Diretór SSSI Covalima, Filomena Alves Barros husu atu servisu hamutuk ho MSSI no hatutan iformasaun sira ba ita nia komunidade sira hodi nune’e bele hatene konaba programa hametin familiar
“Material ne’ebé mak ita simu iha modul sanulu resin hat, husu ba ita hotu atu servisu hamutuk karik falla ruma ita kontaktu malu atu nune’e formasaun sira ne’ebé mak durante loron hat ita simu ita bele hatutan fila fali ba ita nia komunidade” Representante Diretor MSSI Covalima Filomena Alves Barros.
Funsionariu Apoiu Suku ba Asuntu Sosial iha Beiseuk, Natalia do Rego, koriozu sei fahe informasaun ne’ebé hetan husi formasaun ne’e ba komunidade sira, hahu husi nia familia rasik.
“Agradese tebes ba programa ida ne’e tanba ho programa ida ne’e fanun tebes ami bele habelar liu tan informasaun konaba hametin familia tanba durante loron hat ne’e ko’alia konaba familia. Entaun oinsa atu hametin familia hodi nune’e ami fila ba iha ami nia suku hodi esplika uluk ami nia familia sira no sei fahe informa iha ami nia suku laran, oinsa atu halo familia sira harmonia no oinsa atu halo komunika familia malu no komunika ba oan sira no oinsa oan sira halo sala karik ita bele ko’alia ba sira ho liafuan ne’ebé mak di’ak ho mamar atu nune’e sira bele halo tuir hahalok ne’ebé mak ita inan aman sira hatudu ba sira, se wainhira ita hatudu ita nia hahalok ne’ebé mak la di’ak ba sira no ko’alia lian makas ba sira entaun sira sei la tuir hahalok ne’ebé mak ita ko’alia ba sira” Agradese Funsionariu Asuntu Social Apoiu Suku Natalia do Rego
Formasaun ne’e realiza iha salaun SSSI Covalima iha Sukabi Laran, Suku Suai Loro, ne’ebé partisipa husi Funsionariu Asuntu Sosial Apoiu Suku hamotuk na’in tolu nulu. Engkuantu Formasaun ne’e realiza durante loron hat, hahu segunda feira loron 24 to’o Kinta Feira loron 27 Fulan Fevreiru.
Jornalista : Alfredo Barreto
Editor : Chamot Nahac
