Diretór Servisu Munisipál Seguransa Alimentár, Munisípiu Covalima Hilario Oliveira Mendonça, hateten Ministeriu Agrikultura Peskas, Pikuaria no Flores liu husi diresaun servisu munisipal agrikultura mak halo produsaun garatia konaba sifisiente ain ba komunidade sira.
“Seguransa alimentar la hamrik mesak maibe sempre la’o hamutuk ho diresaun agrikultura, tanba diresaun agrikultura sira maka produs, sira maka garante katak ai han ne’e bele to’o ba ita nia komunidade sira” Diretór Servisu Munisipál Seguransa Alimentár, Munisípiu Covalima Hilario Oliveira Mendonça, esplika ba RCCT iha Suku Suai-Loro, Postu Administrativu Suai, Sesta (03/05).
Servisu Munisipal Seguransa Alimentar nia servisu mak atu asegura katak aihan ne’ebe agrikultur sira produs ne’e nakonu ho nutrisaun no diak ba povu nia saude.
“ai han ne’ebe diresaun agrikultura produs oinsa maka ai han nee bele asegura katak ai han nee prontu ba sira bele han no fo saude di’ak ba sira ka lae, ne’ebe servisu ne’e ita sempre lao hamutuk katak diresaun agrikultura oinsa maka sira bele produs atu garante ai han nee to’o duni ba ita nia komunidade sira bele han” Tenik, Hilario Oliveira Mendonça.
Servisu Munisipál Seguransa Alimentár (SMSA), Munisípiu Covalima Hilario Oliveira Mendonça, husu ba komunidade agrikultur sira atu maneza didi’ak rai hodi halo produsaun.
“Liu husi biban ida ne’e atu fo hatene ba ita nia komunidade liliu ba inan, aman sira atu utiliza didi’ak rai hodi halo to’os ho natar labele abandona, tanba buat ida agrikultura ne’e servisu ida ne’ebe di’ak oinsa maka ita bele produs ita nia aihan ba ita nia an rasik, tanba servisu agrikultura no servisu seguransa alimentar prontu atu apoiu saida de’it ba ita nia inan-aman sira hodi garantia seguransa ai han ba uma kain iha nivel suku, postu to’o munisipiu” nia dehan.
Entertantu Diretór Servisu Munisipál Seguransa Alimentár, Munisípiu Covalima Hilario Oliveira Mendonça, dehan seguransa alimentar prontu atu asegura ai han lokal sira ne’ebe nakonu ho nutrisaun mak produz husi komunidade sira nia to’os no natar, hodi garantia komunidade sira bele konsumu aihan di’ak ba sira nia saude.
Jornalista : Julio Salinas
Editor : Chamot Nahac
