Diretór Munisipal Obras Publiku no Trasporte Covalima, Sidonio Gusmão, relata, Sertifikasaun ne’e hare liu ba Lokalizasaun rai, Konfirma ho na’in ba rai liga ho termu de intrega hodi halo submisaun ba servisu munisipal finansas hodi halo porsesu kompensasaun ho montante dolar amerikanu rihun ualu.
“Ohin Ita halo enkontru sertivikasaun ba rai ne’ebe Na’in ba rai fo ba sede suku, maibe tanba komunidade laiha fundus ba kompesa rai ne’e, entaun sira hato’o proposta ba obras publiku, entaun orsamentu preve iha 2023 para halo kompensasaun rai hamotuk $ 8,000.00, Sertifikasaun ne’e ita hare elementu lubun ida, maka lokalizasaun rai, ho ninia semiteriu kedas, tanba ne’e mak ohin mai iha terenu, mai hare rai, los katak sira iha rai ne’ebé intrega ne besik ho semiteriu, ida seluk mak konfirma ho na’in ba rai liga ho termu intrega molok halo submisuan ba iha finansas para kompleta rekijistu sira para halo pagamentu. Fulan ne’e ita bele halo ona pagamentu direta ba na’in ba rai tanba pedidu halo tia ona diriji ba finansa to’o ona iha finansa nia meja ” Diretór Servisu Munisipal Obras Publiku Covalima, Sidonio Gusmao, esplika
Na’in ba Rai, Moises Vicente deklara, patikularmente fonese rai ba komunidade Aldeia Ailoklaran no Manekin ho medida, luan metru 96, naruk 76, nia dehan hanesan komunidade kamanasa la preokupa ho montante orsamentu ne’ebe governu liu Servisu munisipal obras publiku covalima atu kompensa ba nia tanba konsidera nesesidade komunidade folin bo’ot liu duke investientu privada.
“Medida ne’e maka. Luan mentru 96, naruk metru 76, konaba kustu ne’e merese no lamerese, tanba ha’u komunidade kamanasa entaun ha’u oferese rai ne’e ba iha estadu I ba komunidade aldeia ailokran no manekin, ita tenki oferese buat ruma ba estadu atu bele dezenvolve semiteriu ne’e ho di’ak. Investimentu privadu ita bele halo maibe nesidade komunidade ne’ebé difikulta sira, oinsa maka atu buka rai ba semiteriu, tanba ne’e maka negosiasaun mak autoridade suku no lia na’in sira halo ho ha’u oinsa mak atu fornese rai rohan ne’e ba sira, entaun hau fo para tau semiteriu ba” katak Na’in ba rai, Moses Vicente.
Xefe Suku Kamanasa Fernando Noronha, lansa nia apresia ba nonu governu ne’ebe responde ona nesesidade publiku komunidade nian iha suku Kamanasa, Partikulamente Aldeia Manekin no Ailokran, tanba ne’e sei halo planu hodi jere semiteriu publiku ne’e relasiona ho popansa ba uniforma ba rate sira iha semeireiu ne’e.
“Nudar Xefe Suku Kamanasa ha’u apresia tebes ba Nonu Governu tanba durante ne’e ami iha suku kamansa preokupa tebes ba rai ba fatin semiteriu, maibe realidade iha 2024 ne’e ami bele hetan duni” Xefe Suku Kamanasa Fernando Noronha, Memi.
Entretantu, Partisipa iha aktividade Sertifikasaun ne’e maka Administrador Postu Administrativu Suai, Ildefonso Maria Amaral, Diretór Servisu Munisipal Obras Publiku o Transporte Covalima, Sidinio Gusmão ho nia ekipa, Diretór Servisu Munisipal Fiskalizasaun, Anacleto Martins,Reprezentante Servisu Terras no Propriedade, Xefe Suku Kamanasa no konsellu suku sira, iklui Ofisila Polisia Suku Kamanasa.
Jornalista : Moichung
Editor : Chamot Nahac
