“Tuir Ami nia Observasaun katak iha sentru votasaun balun oras ne’e halo ona kontazen, maibe iha sentru votasaun balu seidauk hotu, tanba iha ninia eleitor ne’e barak liu, balu menus liu, atu hatete mos katak iha sentru votasaun balu la’o tarde tanba eleitor barak liu, depois oras ne’e laos hanesna uluk ne’ebe (Naran) lista eleitor ne’e mai husi STAE, maibe naran ne’e mai rasik husi prezidente meja no mos prosesu ne’e hakerek naran deit ne’e mak tarde liu” Administrador Munisipiu Covalima Fransisco de Andrade relata iha Suku Matai Sabado (28/10) wainhira halo observasaun iha fatin votasaun.
Nia dehan maske iha lamentasaun balu konaba oras atu remata eleisaun iha tuku 3 loro kraik otl maibe iha fatin balun sei kontinua ho eleisaun tanba prosesu hakerek lista votante ho manual deit, nune’e maske oras liu ona tuku 3 maibe tekniku apoiu eleisaun suku no aldeia tenki atende to’o hotu eleitor sira hodi ezerse sira direitu ba vota mak soin halo kontazen.
“ohin iha balu lamenta tebes, tuir lei, eleisaun ne’e atu remata iha tuku oras timor leste maibe iha parte balu seidauk hotu tanba razaun naran sira ne’e hakerek deit entaun tarde liu, tanba ne’e ohin ha’u telephone direta ba Diretor STAE nasional katak iha parte balu ne’ebe seidauk ne’e tenki atende to’o hotu sira ne’ebe tanba ona iha lina ka forma laran, mak foin bele halo kontazen” Tenik nia.
Administrador Munisipiu Covalima Fundamenta konaba hafoin halo kontazen votu ba Xefe Aldeia sira mak iha balu hetan votu hanesan mak tenki halo kedas eleisaun ba segundu volta iha 24h nia laran.
“Karik tama ba iha segunda ronda, ba xefe aldeia sira katak, iha kontazen mak iha drow ka impata karik iha oras rua nulu resin hat nia laran tenki halo kedas eleisaun ba segundu ronde nian, hanesan tinan uluk uluk ne’e. kuandu hotu kontazen kalan ne’e mos tenki rezliza kedas eleisaun ba segundu ronde ne’e” Administrado Covalima hakotu.
Entretantu Administrador Munisipiu Covalima relata informasaun ne’e hafoin halo observasaun ba sentru votasaun iha Suku Matai Postu Administrativu Maukatar.
Jornalista : Julio Salinas
Editor : Chamot Nahac
