.png)
Covalima (RCCT)05-04-24-Universidade da Paz (UNPAZ) Ramo Covalima, felisita Miguel Armada Cardoso ba Konfiansa husi primeiru ministru tula kn’ar nudar Presidente Autoridade Munisipiu (PAM) Covalima.
Sexta feira ne’e, reprezenta estrutura nasional, Diretor UNPAZ Ramo Covalima, Silivester Fereira, Sorumutu ho PAM Covalima, Miguel Armada Cardoso, hodi relata progresu hotu ne’ebe UNPAZ atinji ona iha Munisipiu Covalima hahu husi 2007 to’o 2024.
“Ohin mai hasoru Prezidente Autoridade Munisipiu Covalima, primeiru nudar autoridade, UNPAZ Ramo Covalima hakarak hato’o parabens kargu ne’ebé hetan konfiasa durante periodu tinan lima no tempu mos tenke mai hato’o parabens tanba PAM mos produs husi UNPAZ ramo Covalima iha Area Jestaun no reprezenta Estrutura Sentral no mos Unpaz Ramu Covalima hakara mai hato’o progresu ne’ebé maka Universidade da paz Ramo Covalima atinji durante husi periode tina 2007 ate 2024” Diretor UNPAZ Ramo Covalima, Silvester Ferreira esplika iha resinto Administrasaun, hafoin remata sorumutu ho PAM Covalima.
Prezidente Autoridade Munisipiu (PAM) Covalima, Miguel Armada Cardoso konsidera Ijistensia UNPAZ iha Covalima importante atu kontribui ba dezenvolvimentu liu liu iha area edukasaun hodi bele produs rekursu umanu ida ne’ebé kualidade liu.
“Tanba ita nudar Autoridade Munisipiu Covalima Observa ona Edukasaun ne’e mais importante hodi bele dezenvolve ita nia rai laran, tanba ida ne’e maka prezenza UNPAZ Covalima iha Munisipiu ida ne’e, ha’u fiar katak importante tebes hodi bele dezenvolve iha parte Edukasaun no bele produs mos matenek oan sira iha Covalima hodi bele hare mos ba rai ida ne’e, tanba ida ne’e maka nudar autoridade munisipiu covalima fo fiar ba ita bo’ot sira hodi bele dezenvolve iha edukasaun iha ona Imput barak mos presiza mos ita atu halo output” Dehan Prezidente Autoridade Munisipiu Covalima, Miguel Armada Cardoso ba Radio Comunidade Cova Taroman.
Entretantu Sorumutu entre Diretór UNPAZ Ramo Covalima ho Prezidente Autoridade, alende ko’alia konaba progresu sira ne’ebé UNPAZ atinji iha Covalima, reprezenta estrutura nasional, Silvester mos felisita Prezidente Autoridade, Nudar eis estudante UNPAZ Ramo Covalima.
Jornalista: Moichung
