Covalima (RCCT) 15-02-24-Relasiona ho kondisaun ponte Maliloek ne’ebé oras ne’e at grave, Diretór Servisu Munisipal Obras Publika no Transporte Munisipiu Covalima Sidonio Gusmão, hatete ida ne’e kompetensia Nasional nian la’os iha Munisipiu.
Diretór Servisu Munisipal Obras Publika no Transporte Munisipiu Covalima Sidonio Gusmão, rekuñese ponte Maliloek oras ne’e iha kondisaun at grave nune’e fo impaktu bo’ot ba publiku viazem uja transporte atu utrapasa ba mai.
“Ligasaun ba Ponte Maliloek ne’ebé lokaliza iha baliza entre Aldeia Sanfuk, Suku Kamanasa, Postu Suai ho Aldeia Dais, Suku Belekasak Postu Maukatar liga nasional, ha’’u hanoin ponte ne’e grave tebes ninia impaktu ne’e boot tebes ba komunidade ninia viazem tanba ne’e iha parte diresaun obras publika Covalima ba tinan 2024 seidauk asesu ninia planu atividades atu enkaixa ninia konstrusaun ka reabilitasaun tanba iha obras publiku ita ko’alia iha kategoria rua, ida konstrusaun ba estrada nasional ho urbana ninian, tan ba ne’e ponte Maliloek ne’ebé ligasaun iha Aldeia Sanfuk ho Dais ne’e kategoria nasional, tan ne’e ami sei kontaktu kontinua no tenta para iha 2025 bele koloka planu ba iha ponte Maliloek” dehan Diretor Servisu Munisipal Obras Publika no Transporte Munisipiu Covalima Sidonio Gusmão ba RCCT Administrasaun Munisipiu Covalima Kinta (15/02).
Diretór Servisu Munisipal Obras Publika no Transporte Munisipiu Covalima Sidonio Gusmão afirma Ponte Maliloek labele responde ho tipu emerjensia.
.png)
“Iha tinan 2023 obras publika preve mos osan ba emerjensia ninian maibe tanba osan la aprova entaun konstrusaun sira ne’ebé atu tama ba tipu emerjensia hanesan ne’e liliu hanesan ponte Maliloek iha Dais no Sanfuk nia let ne’e ita labele responde ho tipu emerkensia, tan ne’e ami sei kontaktu ho parte relevante tanba ne’e diresaun nasional ninian, ami sei liga ba diresaun nasional update mos kona ba Ponte Maliloek” nia informa.
Entertantu ponte Maliloek kondisaun grave no fo ameasa tebe ba iha komunidade bainhira halo viazem ho transporte publiku liliu hanesan motorizada no kareta bainhira udan tau maka’as mota tun komunidade ultrapasa liu husi ponte leten bele monu tun ba iha mota laran tanba kondisaun ai lahuk no dodok hotu no balu monu tun ba iha mota laran.
Jornalista : Julio Salinas
Editor : Chamot Nahac
