COVALIMA (RCCT), 04-08-2026—Autoridade Munisípiu Covalima organiza kompetisaun sertame ba alunu nível ensinu sekundáriu urbana, hodi komemora Masakre Setembru Negro 1999 ba dala-27, ho tema “Memória Sei Moris Nafatin, Sakrifísiu Sira Sei La Haluha, Istória Sei Nafatin Ko’alia”. Atividade ne’e realiza hodi sukat koñesimentu alunu sira kona-ba istória rezisténsia nasional Timor-Leste.
Prezidente Autoridade Munisípiu Covalima, Miguel Armada Cardoso, hateten katak kompetisaun ne’e hala’o hodi sukat koñesimentu alunu sira-nian.
“Ita realiza atividade sertame ne’e iha ámbitu komemora Masakre Setembru Negro, ho intensaun atu sukat alunu sira-nia koñesimentu kona-ba matéria sira, kona-ba Istória Jerál Timor-Leste, no mós atu motiva alunu sira atu aprende liután,” nia hato’o.
Prezidente Autoridade Munisípiu Covalima, Miguel Armada Cardoso, husu ba profesór sira atu kontinua fó hanorin ho responsabilidade, hodi garante kualidade edukasaun, nune’e iha futuru alunu sira bele kompete ho munisípiu seluk.
Iha atividade kompetisaun sertame ne’e, partisipa husi Eskola Sekundáriu Catolica Ave Maria Suai, Eskola Sekundáriu Jerál Públiku Suai, Eskola Tékniku Vokasionál Kristal, Eskola Tékniku Vokasionál Akar Laran no Eskola Kafe.
Jornalista: Julião Correia
Editor: Paul Mandeu
