SESURAI “ Veteranu hotu iha Covalima tenki haruka oan ba Eskola no halo uma di’ak”

Bebeik ona ha’u hatete b aba Veteranu sira iha Covlima, tenki haruka oan ba eskola, selae minimu tenki halo uma luxu. Afirmasaun ne’e mai husi Prezidente Konsellu dos Kombatentes da Libertasaun Nasional-Covalima Alvaro do Nascimentu “SESURAI” iha Nia K’nar fatin Tabako Lot Suai, Tersa feira (06-10-20), ba Jornalista RCCT SESURAI dehan hakarak ka lakohi wainhira Veteranu Covalima ida mak nia oan la ba eskola maka minimu nia tenki halo uma Luxu.

 “Ha’u ko’alia fila fila iha fatin ne’ebe deit ba vetarunos nia oan la eskola minimal nia tenki halo uma di’ak, se oan ba eskola mak la halo uma ne’e ha’u aseita.”  Dehan SESURAI ba RCCT Tersa Feira 06-10-20) iha Nia K’nar fatin Tabako Lot, Suai.

SESURAI kontinua “mais oan mos la eskola, uma mos la halo, aban bainrua ha’u mak sei tama sai hodi hare ho matan sira nia kondisaun,  tanba saida mak oan mos la eskola, uma mos la di’ak entaun osan ne’e lori ba nebe? lori ba futu manu ka kuru-kuru lori ba  betun hotu sosa corona veteranus, se deit mak bele brani sosa corona iha betun, nia mos kadeia hotu la’osTama iha kuarentena maibe kadeia ne’e para nia bele fasi nia matan” Dehan SESURAI ho lia fuan goja no hamansa.

Maske nune’e Tuir SESURAI nia Konfesa ba RCCT katak nia parte ba direita hodi hare ona Veteranu balu nebe hela iha foho ninia kondisaun.

 “Ha’u ba foho ema barak haruka oan sira ba eskola, barak iha uma di’ak, ha’u labele dehan sira  at hotu lae, ida nebe seidauk ne’e kala seidauk, mais depois ne’e ita tenke fo nafatin informasaun para sira bele motiva nafatin sira nune’e osan nebe sira simu ne’e bele uja ba halo buat di’ak ruma” SESURAI hakotu.

Ekipa Koberura  :Asato Soares, Ade Gorete & Iban

Editor                 :Chamot Nahac