Covalima ( RCCT ) 10 – 05 – 2021, STAE Loke Vaga pozisaun tolu (3) ba Posto Administrativo Hitu (7) iha Municipio Covalima hamutuk ema nain rua nulu resin ida ( 21 ).
Kasu lia ba RCCT Diteru STAE Covalima Claudio Cardoso Dehan iha nia Knar Fatin, Vaga ba Pozisaun 3 ne’e atu hodi halo preparasaun Eleisaun Presidensia nebe sei akontese iha Tinan 2022.
” Vagas nebe mak STAE loke ba Juventude no intelktuais sira ne’e, ba kada posto administrativu vaga tolu ( 3 )
Municipio Covalima iha Posto Administrativu hitu ( 7 ) entaun iha Postu hitu ne’e hamutuk vaga rua nulu resin ida ( 21 ), Vaga ne’e ba pozisaun tolu mak hanesan operador Sistema, Asisten Operador ho fokal poin nain ida, entaun kada posto ida presija ema nain tolu ( 3 ) no vaga ida ne’ atu halo preparasaun ba atendementu kartaun eleitoral iha Posto Adminostrativo hodi hein preparasaun eleisaun Prezidensia ba tinan rihun rua rua nulu resein rua ( 2022 ) oin mai.” dehan Diretor Stae Munisipio Covalima Cladio Cardoso
Diretor STAE ne’e hateten ba kadidatus aplikantes sira ne’e kontratadu iha fulan neen nia laran hodi atende ba komunidade sira iha ida ida nia Posto Administrativo hahu husi fulan Julho to Dezembro mak foin remata sira nia kotratu servisu.
Tanba ne’e Diretor STAE Munisipio Covalima dehan hahu ohin dia 10 – 05 – 2021 STAE hahu simu ona dokumentus ba kandatus sira nian no vaga refere sei taka iha dia 14 – 05 – 2021.
Jornalista : Saturnino Soares
Editor : Chamot Nahac.
