Covalima (RCCT)-5-12-23- Eskola Pre Eskola Publiku Iha Munisipiu Covalima foin mak estabelese iha Postu Administrataivu 4 mak hanesan Fatumea, Tilomar, Suai no Maukatar, ne’ebé iha anu letivu 2023 ne’e gradua ona estudante hamotuk 444.
Nune’e Iha Postu Administrativu suai, tersa ohin Servisu Edukasuan Covalima kontunia halo graduasaun ba estudante pre eskolar hamotuk na’in 243 husi eskola pre eskolar 11 ne’ebe akaba ona sira estudu iha ensino pre eskolar hodi hakat ba esino basiku. Esplika Coordedora pre eskolar Naroman Irene de Jesus Bo’e.
“Ohin loron labarik sira ne’ebé hetan graduasaun ne’e husi pre eskolar 11, pre eskolar 11 Ida ne’e mak pre eskolar Naroman, Wematan,Busakukun, pre eskolar suku loro, pre eskolar akar laran, pre eskolar holbelis, pre eskolar Wedare, entaun husi numeru alunus hamutuk 243, ha’u espera katak tinan oin Ita bele aumenta tan numeru alunu. Ba manorin sira tenki halo preparasaun di’ak liu atu nune’e alunus labele menus, sebele amenta Tan .” Esplika Coordedora pre eskolar Naroman Irene de Jesus Bo’e.
Engkuantu Erlina Cardoso nudar inan aman estudante orgullu ho profesor sira nia tulun no esforsu hodi fo rezultadu ba di’ak ba sira nia oan bele akaba no gradua iha eskola pre eskolar.
“Senti kontenti no orguilu Tamba bele akaba iha nivel prescolar ida ne’e, Liu husi profesora sira nia tulun no sira nia hanorin durante ne’e husi inisiu, to’o ikus sira bele hetan duni valor no ohin loron hetan duni graduasaun, ha’u nudar inan aman senti kontenti tamba ida ne’e hanesan esforsu ne’ebe oan sira hetan durante ne’e no husi nia esforsu rasik ohin loron sira bele iha valor no hetan duni graduasaun.” Erlina espresa.
Iha Sorin seluk Diretor Servisu edukasuan Munisipiu Covalima, Franselino Freitas Carvalho relata dadus estudante graduadu pre eskolar ba ano letivu 2023 hamotuk ema na’in 444, kompostu husi 205 no feto hamotuk 239. no estudante graduadu hira ne’e husi postu administrativu Suai, Fatumea, Tilomar no mos Maukatar.
“estudante ensino pre eskolar, total graduadu ba anu pre eskolar 2023 hamutuk 444 ne’ebé kompostu husi mane 205 pesoas. feto 239 pesoas, atividade graduasaun ne’e hahu uluk husi postu administratibu fatumea ho nia total estudante ensino pre eskolar hamutuk 12 ne’ebé mak realiza iha dia 1 Dezembru foin lalais, depois mai fali iha postu tilomar horsehik realiza ona atividade graduasaun ba estudante pre eskolar total 84 mane iha 31 feto iha 53 pesoas ohin dia 5, atividade graduasau ne’e hala’o iha postu maukatar ho postu Suai, iha postu maukatar atividade graduasaun ne’e konsetra iha suku matai ninia, total estudante hamutuk 98 mane iha 42 feto 56 ba postu Suai nian ohin mos atividade graduasaun ne’e halo ohin iha salaun ensino sekundaria jeral ba total estudante graduadu ne’e hamutuk 250 ne’ebé mak kompostu husi Mane 127 feto 123 .” esplika Diretor Servisu Munisipal Edukasaun Covalima, Franselino Freitas Carvalho ba RCCT.
Nune’e Diretor Edukasuan Covalima husu ba inan aman sira atu kolabora ho servisu edukasuan munisipal atu iha anu eskolar foun bele lori oan sira hakbesik rejistu iha ensino pre eskolar sira ne’e besik iha ida idak nia suku no aldeia.
Nia mos husu ba Manorin na’in sira dezenpeña an nudar servidor estadu hodi hasa’e prestasaun servisu no hasa’e kualidade edukasaun iha Covalima.
Jornalista : Moichung/Balta Monis
Editor : Chamot Nahac
