Covalima (RCCT) 09-07-24-SERVE.IP estabelesementu Munisipiu Covalima nudar instituisaun publiku estadu nian ne’ebé tutela iha Ministeriu Asuntu Ekonomia no Ministeriu Turismu Ambiente, ho esforsu hala’o servisu rekolla osan iha baze ka munisipiu hodi kofer estadu, maibe durante estabelese iha Covalima sei kontinua infrenta problema menus rekursu ne’ebé limitadu liu liu rekursu umanu.
Koordenador SERVE.IP Estabelesementu Sukursal Covalima Pedro Domingos dos Santos, relata iha edifisiu SERVE.IP, covalima iha deit funsionariu na’in 4, no mos laiha pesoal siguransa ne’ebe atu toma konta hodi asegura edifisiu estadu ne’e.
“Durante ita hasoru problema ne’e maka rekursu umanu, ita rasik hare no hatene iha tinan kotuk governu liu husi ministeriu koordenador Asuntu Ekonomia no Ministeriu Turismu no Ambiente ne’ebé maka fo karta notifikasaun hapara funsionariu sira halo deskansa to’o ohin loron iha fulan juñu hahu fali ho kolega funsionariu sira sai foun fali, maibe funsionariu tuan sira na’in-2, ida laiha no ida maka iha agora na’in rua seluk ne’e foun ne’ebé agora na’in-4 iha ne’e hala’o servisu, atendimentu rua, apoiu asistente ba administrasaun lojistiku nian na’in-1 ho ha’u kordenador rasik” dehan Koordenador SERVE.IP Estabelesementu Sukursal Covalima Pedro Domingos dos Santos, ba jornalista iha nia knar fatin Segunda (08/07).
Nia haktuir hasoru hela risku tanba laiha pesoal siguransa atu kuidadu patremonia estudu ne’ebe mak dadaun ne’e guarda iha edifisiu SERVER, IP Covalima.
“Iha mos difikuldade barak maka ita hare daudauk iha edifisiu ne’e laiha guarda seguransa ka security, tanba kalan ita husi buat ida sasan estadu nian ne’e ita hatene ona katak risku bo’ot ba ita bainhira mosu failansu hakarak ka lakohi koordenador tenke ba hatan tanba ida ne’e responsabilidade ba kordenador, seidauk iha seguransa hein to’o ohin loron hakarak para atu iha duni ida ne’e tanba buat hotu ne’e hakarak fo seguransa ba ita, atu nune’e ita servisu ho di’ak, kuandu ita fila ba uma ona bele deskansa ho hakmatek tanba iha garantia katak iha ona ema bele haree edifisiu, problema ne’e ami hato’o ona maibe sira dehan hein de’it maibe to’o agora sei dauk iha, maibe agora ita hotu haree edifisiu SERVE. IP Covalima ne’e moru luan hela, maibe ha’u bele dehan sorte tanba atu besik tama ona ba tinan ida la sente Covalima mesak ema komprende de’it” nia dehan.
Enkuantu relasiona ho preokupasaun hirak ne’e Koordenador SERVE.IP Estabelesementu Sukursal Covalima Pedro Domingos dos Santos, husu ba ministeriu relavante atu tau atensaun hodi hare konaba rekursu humanu iha edifisiu SERVE.IP Covalima.
Jornalista : Julio Salinas
Editor : Chamot Nahac
