Covalima RCCT 10-05-21 Diretur STAE Municipio Covalima Calaudio Cardoso informa ba Jornalista RCCT iha nia servisu fatin hateten relasiona ho Serka Sanitaria (SS) iha Municipio Covalima iha fulan kotuk mai to’o agora STAE iha Covalima suspende Provizoria atividades hanesan atendementu ba eleitores atu hasai Eleitoral.
” ita suspende aktidade ne’e iha dia 14 ou dia 16 fulan kotuk tanba ita iha Municipio Covalima mos tama iha situasaun Serka Sanitaria (SS), tanba ne’e ita mos evita hodi halo atendementu ba publiku hanesan atividades halo resensiamentu Eleitoral. Tanba ita halibur ema barak ne’e fo risku ba ita, liu-liu iha instituisaun STAE ida ne’e, Iatividades ida ne’e provijoriamente ita suspende , maibe depois de SS termina iha Covalima maka ita sei kontinua halo atenementu hanesan baibain“ Katak Diretur Claudio Cardoso
Durante intervista ne’e diretur STAE Covalima esklarese kuaze Semana 2 ona STAE Municipio Covalima suspende atividades atendementu eleitoral ne’e tanba Governu Implementa SS iha teritoria Tomak Inklui Iha Covalima.
“Ho ida ne’e husi STAE Nasional passa kedas informasaun mai iha STAE Covalima atu bele suspende atividades iha Munisipio, wainhira husi Nasional fo ona orientasaun atu ativa fali servisu mak ami sei halo atendementu fali Comunidade hanesan babain.” Tenik Diretur STAE Covalima
Relasiona ho STAE Suspende Provizoria atividades atendementu ba komunidade sira Covalima maka Diretur STAE Municipio Covalima Claudio Cardoso husu komunidade sira atu toma kompriesaun ba situasaun Serka Sanitaria ne’e, no Nia dehan wainhira remata Serka Sanitaria mak STAE Sei atende fali komunidade sira mai hasai eleitoral hanesan bai-bain.
Jornalista : Saturnino Soares
Editor : Chamot Nahac.
