Covalima ( RCCT )-08-03-21 Familia Uma kain Rua ( 2 ) husi Suco Belulik Leten Posto Administrativo Fatumea obrigado tenki husi labarik nain 7 nebe idade sei minor hodi hela mesak iha uma tanba inan aman iha Suai labele fila ba Fatumea liga ho Serka sanitaria.
Ko’alia ba Jornalista RCCT hetan aman husi labarik na’in 4 Fernando Magno profisaun hanesan Professor da Eskola dehan nia tun mai Kapital Municipio Covalima atu simu ninia Salario hodi husi hela ninia oan na’in 4 iha Fatumea nebe ho idade sei mesak ki’ik oan Primeiru idade 15, segundu tinan 11 no na’in 2 seluk foin tinan 6.
Aman husi oan nain 4 ne’e mos konfesa ninia Senhora Mate iha tinan kotuk, tanba ne’e nia tenki moris moris mesak sai aman no mos inan ba ninia ona nain 4, nia dehan objektivu tun mai Suai, Kapital Covalima tanba atu halo levantamentu ba ninia salario iha banku iha Debos no nia tun mai ne’e Governu seidauk Implementa serka Sanitaria.
” Ha’u senti tristi tamba dok husi ha’u nia oan ki’ak sira nebe ho idade sei ki’ik, ha’u atu fila ba ha’u nia oan sira maibe dalan ema taka metin tamba Lockdown, agora ha’u nia oan sira telfone ha’u apa ami nia fos la iha, ami han saida maibe nia apa dehan ha’u atu sa’e ba la di’ak atu solok tuir osan ba imi la di’ak hotu” Fernando Magno Konta.
Iha fatin hanesan Rogeiro de Jesus ho nia Senhora Rensian Moniz husik hela sira nia oan nain tolu ( 3 ) ho idade ne’ebe mak sei ki’ik tamba senhor Rogerio lori nia senhora Rensian atu partus tamba ne’e hetan transfere husi Centro Saude Fatumea mai Hospital Referal Covalima maibe to iha Hospital referal Covalima la konsege salva bebe nia vida, no Lockdown mosu sira na’in 2 labele fila ba hamotuk ho sira nia oan nain tolu ( 3 )iha Fatumea tanba Lockdown.
“Ha’u ho ha’u nia señora mai iha Suai tamba ha’u nia ferik oan isin rua atu partus tanba iha Sentru Saude Fatumea labele Fo partus nune’e mak transfere ami mai hospital suai, maibe to iha Suai ha’u nia oan la salva nia vida, tanba mate iha nia inan nia kabun laran. Tamba ne’e ami na’in rua ha’u nia ferik oan atu fila fali ba ami nia oan sira iha fatumea labele tamba tan dalan taka metin.” Ho matan mawen nakonu Rogeiro Konta ba RCCT.
Rogerio hatutan hodi husu ba Autoridade sira iha Covalima atu bele ajuda lori fila sira hamotuk ho sira nia oan iha Postu Administrativu Fatumea,
“ami husu ba nai ulun sira karik bele ami ba fila fali hamutuk ho ami nia oan ki’ik sira nebe mak hela mesak iha ami nia uma no agora ami nia ona sira komesa aihan la iha ona sira mesak ki’ik foti ai han iha ne’ebe” Rogerio Sadi’a.
Iha sorin seluk segunda (08-03-21 Ofisial Protesaun labarik iha MSSI Covalima Quintino da Costa hateten
Ministerio Solidadridade Sosial no Inkluzau ( MSSI ) servisu Protesaun labarik foti ona dadus ba labarik na’in 7 ne’e hodi bele buka solusaun ba problema refere.
“Ami nia servisu sei foti dadus ida ne’e sei hato’o ba Diretor Munisipio Covalima no To’o Nasional oinsa hodi buka solusaun ida nebe mak di’ak hodi responde ba problemas ne’e, Labarik iha direito tomak atu hakbesik nia inan ho aman sira tamba inan ho aman mak iha responsablidade tomak ba nia oan sira” katak Ofisial Protesaun ba Labarik MSSI Covalima, Quintino da Costa.
Jornalista : Saturnino Soares
Editor : Chamot Nahac
