Covalima (RCCT) 22-02-21- Situasaun Pandemia Covid-19 fo impaktu ba rendimentu negosiates sira nian iha Merkadu Kapital Municipio Covalima, liu liu ho Implementasaun Serka Sanitaria nebe Governu aplika ba Municipio Covalima.
Tanba ne’e Na’in ba loja Mahoni, Domingas Amaral kasu lia ba jornalista RCCT dehan, senti lakon rendimentu tamba laiha kompradores mak mai sosa sasan iha ninia Loja, tanba ne’e difikulta nia hanesan loja nain atu bele selu salario trabalhadores no selu rai nebe aluga hodi halo negosio iha merkadu capital suai.
“Antes de estadu emergensia ne’e kada loron ida ami bele hetan rendimentu to’o $500 ba leten, maibe agora loron ida ami so bele hetan deit $100 mai kraik, tanba ne’e ha’u Susar uitoan atu selu ami nia ajudante ou karyawan sira no mos selu taxa ba estadu kona ba rai nebé mak ami aluga.” Dehan Loja nain Domingas ba RCCT Segunda (22-02-21).
Loja Na’in Domingas Amaral deklara ho situasaun menus rendimentu nebe nia loja infrenta susar tebes ba nia atu maneja gastus nebe kada fulan tenki hasai osan kuaze dollares amerikanu $ 500 ba leten hodi selu Trabalhadores no selu arendamentu ba estadu liu husi Dirasaun Terras no Propriedade Covalima.
“Agora ne’e araska liu, susar atu selu salary nebe kada fulan, ema na’in ida $115 no ba estadu $85, kona ba aluga rai nian $89,95 seidauk tan gastus sira seluk, tanba ida ne’e ba ha’u sinti susar tebes.” Loja Mahoni Suai Na’in, Domingas Haktemik.
Engkuantu Loja Mahoni na’in, Domingas Amaral, Sadi’a kona ba Implementasaun Serka Sanitaria ba Municipio Covalima, tanba fo impaktu menus rendimentu loro loron iha ninia loja no difikulta sira atu maneja gastus mensal hodi selu salary trabalhadores inklui selu arendamentu ba estadu.
Jornalista: Saturnino Soares & Elio Dos Santos
Editor : Chamot Nahac
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
