Covalima (RCCT) 04-06-24-Nonu guvernu iha politika atu halo tan rekrutamentu ba funsionariu Autoridade Protesaun Civil (APA), korpu Bomberu, no Dezastre Naturais hodi koloka ba kada postu iha Munisipiu Covalima.

Lia ne’e hato’o husi Sekretariu Estado Protesaun Sivil (SEPC), Domingos Mariano Reis, iha Covalima wainhira halo vizita ba komunidade afetadu Dezastre naturais ne’ebé akontese iha rohan fulan Maiu to’o inisiu fulan juñu foin lalais.

“Ita nia membru ne’ebé kolaka iha suai por volta 40 ital pesoas ida ne’e la sai bareira ba Autoridade Protesaun Civil Munisipiu Covalima maibe nudar Guvernante ita sempre tau planu anualmente baizeia ba mapamentu ne’ebé iha iha tinan ida ne’e iha tempu badak ita sei rekruta ofisial ou kordenador ba postu ida idak atu halo servisu ba Autoridade Protesaun Civil ninian atu planea kordena no implementa politika Guvernu nian iha nivel postu depois ita sei aumenta mos ba bomberus sira aumenta mos ba diresaun dezastre, suai ita sei aumenta porvolta 15 ou 20 pesoas ida iha tinan ne’e, maibe ha’u fiar katak iha tinan oin ita bele reforsa tan ha’u sei hare mapamentu rekursu humanu ne’ebé mak iha, ha’u sei halo ha’u sei cek ba balansiu liuliu ba Item ida ema bolu fundu asisten tekniku ida ne’ para atu halo kontratu ba kazuais sira ba Munisipiu sira ne’ebé mak ita identifikadu ona katak rekursu humanu menus maibe la’os rekruta deit ita presiza kapasita mos ita tenke hasa’e nia kuiñesementu oinsa bele responde emerjensia se nia laiha kuiñesementu entaun risku ba nia nia bele ariska an fali iha fatin ne’ebé risku” SEPC, Domingos Mariano Reis dehan iha Covalima (02/06)

Governante ne’e dehan sei aumentan tan funsionariu iha Autoridade protesaun Sivil iha Munisipiu Covalima por volta ema na’in 25-20.

Jornalista : Moichung

Editor      : Chamot Nahac