Sekretariu Estadu Protasaun Civil, Domingos Mariano Reis, hateten udan ho itesidade bo’ot rezulta sa’e tama komunidade nia hela fatin hamotuk uma kain 99 ne’e kauza husi baleta ne’ebé konstrui ki’ik liu no bele ekomoda be intupidu hodi sa’e tama komunidade nia uma hela fatin
“Ami hale’u fatin ne’ebé mak risku atu identifika iha problema balun, tanba ita nia baleta mak ki’ik kuandu bainhira be makas entaun labele akomuda tanba ida ne’e mak ai balun intipidu hodi be sa’e afeta ba komunidade hanesan Aldeia akara laran suku Suai loro ninian ne’ebé afeita uma kain 99 membru familia 264 ne’ebé afeitadu, ita kordena hamutuk prezidente Autoridade Sekretaria Autoridade no Komandete PNTL Munisipiu Ami identifika ona fatin ne’ebé mak risku, komunika ho ministeriu relevante hanesan Obras publiku, saida mak tenki halo dala ruma ponte ne’ebé k’lot ou ki’ik entaun labele akumuda be ne’e atu sai tanba ida ne’e mak ohin ami identifika ona ami sei hato’o pontu importante sira ne’ebé maka be intupidu ne’e ba Obras publiku” Sekretariu Estado Protasaun Civil, Domingos Mariano Reis esplika.
Membru Governu ne’e Alerta ba komunidade sira ne’ebé hela besik fatin risku atu matan moris neon na’in nune’e labele lakon ita nia vida tanba dezastre naturais.
“Ita anunsiu ba komunidade sira ne’ebé maka besik iha fatin risku, husu sira atu matan moris neon na’in hodi bele salva sira nia familia no salva mos sira nia riku soin se lae oras ida mak odan tan ita bele halakon sira nia riku soin no mos bele halakon sira nia vida, tanba ida ne’e mak ita aviza ba komunidade sira hotu hotu ne’ebé hela iha aihun bo’ot sira tenki atensaun no hela besik be ne’ebé mak risku dadauk hanesan ami observa no iha mota ninin sira husu sira atu hases an se karik mosu buat ruma” tenin nia.
Entretantu iha SEPC halo observasaun ne’e, akompaña husi Sekretariu Munisipal Asuntu Sosial no Oranizasaun Komunitaria, Komandante PNTL Munisipiu Covalima, Komandante Operasional APC iha Covalima, no Bombeiru sira.
Jornallista : Moichung
Editor : Chamot Nahac
