Nune’e domingo foin lalais, loron 02 fulan juñu, Sekretariu Estado Protesaun Sivil (SEPC-Sigla Portuguesa), Domingos Mariano Reis, tun direita ba tereinu hodi halo observasaun no mos atribui Apoiu Emerjensia Food Item no non food Item ba komunidade vitima inundasaun sira.
“Ita hotu hatene inundasaun ne’ebé afeita komunidade iha Covalima hahu dia 30 maiu afeita komunidade total uma kain ne’ebé dia 30-31 iha 157 de familia no dia 1 de Jullu afeita komunidade 99 ho nia memmbru de familia 264 ne’ebé agora dadun ita nia APC hamutuk ho komandante PNTL ho membru sira hotu Bonbeiru sira ho ita nia parseiru CVTL no WFP sira konsege salva tia ita nia komunidade sira lori ba iha fatin seguru, no ohin mai deskrega ai han no la’os aihan hodi responde nesesidade” esplika Sekretariu Estadu Protesaun Sivil, Domingos Mariano Reis (02/06)
Iha fatin hanesan, Prezidente Autoridade Munisipiu Covalima, Miguel Armada Cardoso (Razão), husu ba Xefe Suku ho Xefe Aldeia sira atu orienta komunidade sira labele hela besik fatin risku dezastre Naturais.
“Fatin ne’ebé mak estadu identifikadu labele hari uma iha mota ninin tenke ser halo tuir tanba mota ninin fatin ne’ebé maka sempre hetan dezastre fatin ne’ebé mak sempre hetan inundasaun husik hela fatin ida ne’e labele hari uma ba Autoridade lokal lider komunitaria sira konsellu suku hare kestaun ida ne’e ho seriu, la’os husk hela bebeik hanesan ne’e ita labele ses husi problema, atu ses husi problema ne’e ita identifika ona, iha hanoin ida no inovativu ida ba rai ida ne’e” Prezidente Autoridade Munisipiu Covalima, Miguel Armada Cardoso (Razão) Orienta.
Entretantu Komunidade Vitima Inunsaun ne’ebe mak evakua husi Aldeia Akar Laran ba Sentru Evakuasaun Munisipal iha sabadu kalan loron 01 fulan junu ne’e, autoridade sira reintrega ona ba sira nia hela fatin iha domingu loro kraik hale’u oras tuku lima.
Jornalista:Moichung
Editor : Chamot Nahac
