Covalima (RCCT) 08-02-24-Kazu violensia domestika mosu tanba dala barak kauza husi problema ekonomia família,partikularmente wainhira laiha osan atu sosa nesesidade uma laran nian no fo oan ba eskola, liu husi ne’e mak foin hamosu naklasak iha uma laran to’o rejulta asaun fiziku hasoru fen ka fen hasoru la’en.
Aleide Kauza husi Problema ekonomua uma laran, Konsellora Iha Pradet Fatin Hakmatek Suai, Cariana Elsa Barreto Amaral mos hatete kauza violensia domestika mosu basa fen no la’en diskonfia malu tanba “selingkuh”.
“Agora daudaun ita haree liu ba kazu violensia domestika dala ruma sira nia presija hanesan konaba ekonomia osan sira kaer la to’o, dala ruma mos ho oan sira nia eskola, ho buat hirak ne’e sira sente katak buat sira ne’e afeita liliu ba ami feto, hare ba hare mai lato’o husu ba katuas oan nervozu ho buat hirak ne’e bele kontribui ba violensia domestika mosu iha uma laran ho baku, hanesan mos tempu ida agora selingkuh ne’e maka barak liu ho ida ne’e katuas oan sira sai abandona fen ho oan iha uma, tan ne’e kazu ida abandona ne’e mos mosu violensia mos mosu tanba laiha komunikasaun di’ak ba malu entre fen ho laen” Konsellora Iha Pradet Fatin Hakmatek Suai, Cariana Elsa Barreto Amaral ba RCCT iha nia kna’ar fatin.
.png)
Konsellora ne’e mos afirma kazu ne’ebé rejista iha Pradet suai maka violensia domestika, alende ne’e kazu insestu ninis numeru komesa sa’e daudaun.
“Iha Covalima kazu ne’ebé barak liu tama iha Pradet ka Fatin Hakmatek Suai rejistu kazu violensia domestika no agora daudaun mos kazu insestu komesa rejistu daudaun ona tanba kliente sira direita mai hato’o iha Pradet inklui husi familia rasik maka mai hato’o keixa, ita haree kazu violensia ne’e laos barak liu mai husi suku ida ka postu administrativu ida deit maibe maioria kazu ne’e akontese hotu iha postu administrativu 7, suku 30 husi fatin hotu-hotu ne’e mai rejistu ne’e laiha ida maka numeru as liu, tanba bainhira sira hasoru problema ida-idak na’in mai hato’o keixa iha Pradet” nia informa.
Engkuantu durante ne’e Pradet Fatin Hakmatek Suai rejista kazu barak liu maka violensia domestika ho total kazu hamotuk 61, ne’ebé barak liu mak afeta ba feto sira, hamotuk vitima na’in 50 no afeta ba vitima mane hamotuk 11.
Entretantu Tipu Violensia Domestika forma liu ida hamotuk 23, la’os violensia domestika forma liu ida hamotuk 6, violensia domestika, violensia fisiku 8, violensia domestika, violensia Piskolojika 1, violensia domestika, violensia Seksual 3, violensia fisiku la’os, violensia domestika 11, violensia seksual la’os, violensia domestika 8, violensia emosional/piskolojiku la’os violensia domestika 1.
Jornalista : Julio Salinas
Editor : Chamot Nahac
