Covalima (RCCT) 09-08-023– Kuarta ne’e Sekretáriu Estadu Ensínu Sekundáriu Jéral no Ensinu Tékniku Vokasionál Domingos Lopes Lemos halo sorumutu ho Diretor Servisu Edukasaun Munisipal no Dirijente Eskola Sekundaria Jeral no Tekvok iha Covalima koalia konaba situasaun atual nebe dadaun servisu edukasaun municipal no eskola sira iha Covalima infrenta.
Iha sorumntu ne’e Sekretáriu Estadu Ensínu Sekundáriu Jéral no Ensinu Tékniku Vokasionál Domingos Lopes Lemos, akompana husi Diretór Nasionál Asaun Sosial Eskolar, Diretór Nasionál Infraestrutura, Diretor Nasionál Ensínu Sekundária Gerál, Diretór Nasionál Ensínu Tékniku Vokasionál, Diretór Protokolu, no representante Rekursu Umanu atu esplika detallu ba Direjenti iha Covalima.
Enkuantu Problema ne’eb servisu edukasaun municipal no eskola sira iha covalima infrenta mak rekursus umanu, infraestrutura tan ne;e governu liu husi Ministériu Edukasaun sei resolve iha tempu badak fazeadamente, tanba konsidera ensínu aprendizajen importante ba pilar edukasuan iha timor leste.
Entretantu hafoin termina enkontru ho diretor eskola sekundaria jeral no eskola sekundaria tekniku vokasional sira iha salaun eskola sekundaria jeral suai, Sekretáriu Estadu Ensinu Sekundáriu Jéral no Ensinu Tekniku Vokasionál ho ekipa hamutuk ho Diretór edukasaun munisípiu hala’o vizita kortejia edifisiu ba eskola Sekundária Gerál Públika suai nebe konstrui husi projeito komunitaria , Eskola Sekundária Téknika Vokasionál Akar-Laran, Konstrusaun eskola Kafe no eskola Sekundaria Gerál Zumalai.
Dadus husi Diretór Munisipiu Covalima hatudu, Eskola Munisípiu Covalima hamutuk 145, estudante hamutuk 22.541 manorin na’in hamutuk 1.140.
Ekipa Kobertura RCCT
