Covalima (RCCT) 16-04-25-Husi inisiu Janeiru to’o 15 Abril 2025, Servisu Alfandega iha Fronteira Postu Integradu Salele, Covalima rekolla osan hamotuk dolar Amerikanu rihun atus ida resin ida, atus ida nen nulu resin hitu, sentavus nen nulu ($ 101,167.60).
Diretór Alfandega Munisipiu Covalima Nuno Nogueira, relata osan hirak ne’e rekolla husi taxa merkadoria ne’ebé emrezario sira impirta mai timor leste husi NTT Indonesia.
“Hahu Janeiru to’o mai iha loron 15 fulan Abril 2025 nian, kareta ne’ebé entrada mai Timor-Leste tula sasan merkadorias ne’e hamutuk kareta 373 maka tama mai ita nia rai laran, no merkadorias ne’ebé sira lori tama mai maka hanesan material konstruksaun, nesesidade baziku, iha mos mobiliariu, iha mos importasaun viaturas inklui bisiklete eletrisidade, ne’e maka hahu husi fulan Janeiru to’o mai 15 Abril ne’e ita konsege hetan osan ho montante $ 101,167.60 ne’e maka ami kobra iha fatin ida ne’e” Diretór Alfandega Munisipiu Covalima Nuno Nogueira, Informa.
Nuno Nogueira dehan dadaun Alfandega Covalima mos atende emprezariu timor sira halo atividade esportasun kami husi covalima timor leste ba NTT Indonesia.
“Dadauk ne’e ita mos halo exportasaun maske sura ho liman fuan de’it signifika fulan ida rua kareta ida ka rua deit maka tula kamii lori sai, maibe ba sasan seluk seidauk iha, importasaun maka barak loos tama mai ita nia nasaun” nia informa.
Enkuantu iha Periodu 2024 Alfadega Covalima rekolla reseitas husi atividade importasaun iha fronteira postu integradu salele hamotuk dolar amerikanu rihun atus rua hitu nulu resin tolu, atu nen rua nulu resin sia, sentavus hat nulu resi rua ($273, 629.42).
Maibe iha inisiau 2025 hahu husi fulan Janeiru to’o klaran fulan Abril, servisu Alfandega Munisipiu Covalima rekolla osan husi atividade exportasaun no importasaun iha fronteira salele ho montante $ 101,167.60 hodi hatama ba iha kaixa jeral estadu.
Jornalista : Julio Salinas
Editor : Chamot Nahac
