Covalima (RCCT)-08-02-21-Autoridade iha Suco Debos Postu Administrativu Suai konvoka reuniaun hodi ko’alia kona ba ai han sesta bazika nebe tempo besik kompanya Distibutor atu distribui ba populasuan aldeia 9 iha Suco Debos.
Iha Engkontru Xefe Suco Debos Agostinho da Silva husu ba Xefe Aldeia Sira atu prepara didiak planu molok fo hatene data fiksi ba comunidade Sira atu simu sasan sesta bazica.
“Encontru ohin ko’alia konaba apoio sesta basica tamba ne’e, Hau bolu imi Xefe Aldeia mai, atu fo hatene ba imi hodi halo planu didiak atu nune’e molok atu fahe aihan sesta bazica ne’e, xefe aldeia fo hatene uluk ba Nia comunidade Sira data atu simu sasan sesta basika nune’e labele iha failansu. ” Xefe Suco Esplika.
Lidermasimu Suco ne’e mos orientaba Xefe Aldeia Sira tenke hare didiak folin sasan sesta bazika nebe Mak kompanya fornese labele menus husi presu nebe mak governu fo sai, nune’e karik iha folin sasan nebe mak menus husi presu nebe Governu fo sain, Xefe Aldeia sira lalais komfirma kedas kompanya nebe Distribui.
” Xefe aldeia sira tenke tau matan didiak ba sasan hirak ne’e, presu la to’o standar, xefe aldeia Sira tenke ko’alia direita ho kompanya.” Xefe Suco Agustinho Haklean.
Lideransa Suco ne’e afirma Komunidade benefisiariu sira nebe atu simu sasan sesta bazika tenke lori dokumentus hanesan fixa da familia no kartaun eleitoral original sefe da familia nian.
Autoridade Masimu Suco Debos dehan seidauk bele fo sai data fiksu ba ditribuisaun sasan sexta baziku ne’e, tanba sei hein kontaktu husi kompanya Distributor, maibe Xefe Suco Agustinho dehan Provizoriamente data tentativa ba Ditribuisaun sasan sesta bazika iha suco debos sei hala’o iha Kuarta Feira (10-02-21).
Jornalista :Jhana Cardoso & Nyna costa
Editor :Chamot Nahac
